عاوزة أجيب هدية لبابا فحدود 2000 مثلاً. ممكن اقتراحات؟

اجمل حاجة بتسعد الرجالة الاكل.
دكر بط وكام حمامة واعزميه عزومة حلوة ياشيخة وانتوا كمان هتاكلوا معاه وتتبسطوا.
اكيد بباكي زهقان من الساعات والبرفانات والجواكت احنا في زمن غلا الاكل هوا احسن حاجة.

الهديه هتختلف حسب طبيعة شغله.. يعني مثلا بيقعد علي مكتب فممكن طقم مكتب ويتكتب عليه اسمه… مممن بيرفيوم حلو…ساعه…. لكن لو شخصيه بسيطه هاتيله حاجه للبيت مثلا لبس بيت او خروج و ممكن برضو ساعه

الساعات الجديدة حلوة بتقيس الاكسجين وتيجى له كومنتات الموبايل عليها.

الشتا جاي.. ممكن روب صوف ده لوحده لو الصوف حلو يعدي ال٢٠٠٠… ممكن بطانيه دفايه و لكلوك او مانتوفل… كوفيه و آيس كاب صوف هاند مايد…. عبايه صوف…. كل أفكاري شتوي 🤣… و الباقي بقى و ميدليا فضة او سبحه حجر طبيعي… اقولك.. اسألي مامتك حتفيدك عننا