- هذا الموضوع فارغ.
-
الكاتبالمشاركات
-
حليم
انا ابنى داخل ثانوية عامة علمى هو رافض تمااااما السناتر وانا معاه جدا لانها مضيعة للوقت باقل استفادة. هو عاوز اون لاين وانا شايفة انه مش هيبقى مفيد بنسبة ٧٠%. وفى نفس الوقت مفيش مدرسين كفاءة كبيرة بيدوا دروس خصوصية فى البيت.
انا بفكر ياخد اون لاين وبرضه دروس فى البيت عشان يكملوا بعض هو رافض وبيقول مش هضيع وقتى كله دروس، انا عارفة انه ممكن يبقى تشتيت بس انا مقدرش اعتمد على الاون لاين فقط.
ايه الصح من تجارب السابقين؟ برغم انى كنت سابقين السنة اللى فاتت الحمد الله.
Lollaالاون لاين بيخلى الاولاد تراكم المواد والسناتر اعداد كبيره ومضيعه للوقت وممكن ميبقاش فاهم ومش قادر ولا عارف يسأل والمدرس مش بيتابع كويس مع كل الاعداد دى افضل حاجه مجموعات البرايفت اللى بيكون فيها سته مثلا بيكون فيه متابعه من المدرس والطالب بيعمله حساب ويذاكر
Reemالاونلاين لطالب مش بيراكم
لكن لو طالب في احتمال 1٪ انه يراكم يبقي لا قولا واحدا
كل المعارف بياخدو دروس في سناتر لان العمالقة في السناتر واونلاين
وع شهر ٥ بيجيبو مساعدين المدرسين في السنتر او حد من التيم بتاع المدرس وبيحل معاهم في البيت برايفتMonaبصي ابني السنه اللي فاتت اخدت on line في كله وزود مع مدرس في البيت مع مجموعه في ماده phisics و chimestry والحمد لله لأن العربي وال English وال payology والجيولوجيا مش محتاجين مدرسين في البيت وانصحك برضا الفاروق عربي فوق الممتاز
Mamtممكن تتفقوا مع عشر أصحاب مثلا وتحجزوا حجرة ف سنتر عشان الوقت والعدد وهو علمى يعنى كدة تالتة ثانوى ماشاء الله فيه ف العربي محمد صلاح اون لاين وخالد صقر كميا المشكلة ف الفيزيا لازم يشوف مدرس ممتاز لان دول فعلا قليلين جدا ومينفعش فيها اون لاين ولا عدد كبير
Emyهو الاون لاين كويس ومش بيضيع الوقت فعلا
بس في ثانويه عامة وخاصة العلمي الدرس الواحد ممكن يتعدى ال٤ ساعات
وإنك تقعد طالب الوقت دا كله متواصل بيكون صعب
أنا بنتي كانت بتحضر اولى وتانيه اون لاين ومش بتراكم ومتعودة على الاون لاين
بس في سنه تالته مع طول الحصة تراكمت الحصص والوقت بيجري والمواد بتتراكم
نصيحة المواد العلميه تكون سنتر عشان المراكمة في المواد العلميه وحش وصعب يتلم
انتي ممكن تتابعي معاه اول شهر وتشوفي هيلتزم ولا لأ عشان لو الدنيا باظت يلحق ينزل ويكمل مع السنتر
كمان مع ضغط السنه وتوتر الولاد القعدة في البيت بتخنقهم ومجرد نزول للسنتر بيكون تغيير جو
ربنا ينجحهم ويفرحنا بيهمRoroانتي صح. اشتغلي. دروس. مع الاون لاين لان ساعته كتير بيكسلوا بيسمعوا ويراكموا الحصص. يبقي المدرس الي بيجيله يلحقوا واهي سنه تعب وتعدي ولكن لو سمعتي كلامه هيعرف انه ضاع ف الاخر ومش هتلاقي حد يلحقه
Halaانا بنتى فى ثانوى السنه دى واول مره فى حياتها تاخد سنتر مدرسين السنتر مدرسين السنتر بيشغلوا الطلبه كتير طول السنه حل ومتابعه ومافيش دخول للحصه الا بمراجعه الواجب والامتحان ومراجعات ديما فى النص بيجبروا الطالب يفتح الماده لكن الشرح مش احسن حاجه بسبب الاعداد طبعا بالنسبه للمواعيد مش ديما بيكون الوقت طويل فى دخول المدرس يعني يقول الدرس ١ يدخل ٣ ومش ديما بيحصل كده مدرس البيت طبعا الدنيا اهدى كشرح حايفهم لكن كاحل ومراجعه واجب حاتلاقيه ضعيف ومافيش اهتمام زى السنتر بالنسبه للاونلاين مع الوقت حاتلاقيه راكم وابتدا يسرع الماده ويصدع من الفديوهات والدنيا غير الاكتئاب اللى حايحصل من قعده البيت فتره طويله الخروج للسنتر بيفكوا شوية الافضل ابدأى سنتر ولو فى مواد تقدرى تدى برايفت فى البيت لو مش فاهم من مدرس السنتر حايكون افضل وعموما اى مراجعه فى السنتر ماتخليهوش يحضرها مابيبقالهاش لازمه والمدرس اللى تلاقيه بيمشي طالب عشان درجه ماتروحيلوش تانى
Rashaالاون لاين ممتاز بجد هو عايز طالب مركز مع مدرس فاهم المادة كويس ومتابعة جيدة ل حل الواجبات والامتحانات جربوا بجد وأنصح في ٣ث علمي لغات م. احمد نوار فيزكس ،م.اشرف الشناوي كمستري ،احمد عبد الغني او عمرو الشربينى ماث
Daliaانا كنت بعمل كدة مع ابني
بس في المواد العلمية بس
هو كان علمي علوم
اون لاين وبعد كدة في البيت
بس موضوع محتاج تنظيم وقت ودلوقتي عدد المواد قلت
فالموضوع أسهلAmiraلو هو منظم و مش هيراكم و هيتابع اول بأول يبقا تمام
لكن لو هيأجل حتى حصة واحدة كل اسبوع مينفعش
لو حضرتك في محيط مصر الجديدة او العباسية ممكن ارشحلك مدرس عربي برايفت و مدرسة ماث لو علمي رياضة و لما ربنا يكرمني بفيزيكس و كيمستري ابقا ارشحلك
و ربنا يوفق ابناءنا جميعاWafaaكنا علمي رياضه ناشيونال وكله كان اون لاين والحمدلله فضل ربنا علينا كان عظيم
اهم حاجه مستر كويس ومعروف عنه التزامه بمواعيد الحصص والامتحانات المستمره والأهم عنده فريق متابعه قوي للمساعده والمتابعه مع ولي الأمر
بالتوفيق ياربAhmedانا ثانويه عامه السنادي و لو خدت كل دروسي في كل المواد اونلاين و ده اسوء قرار خدته في حياتي بجد اي مدرس هيقعد معاه علي تربيزه و هيتابع معاه اول باول و واجب هيبقي احسن مليون مره من المنصات لان معظم المدرسين المشاهير بيحرقوا في حصص كتير جدا و بيخلصوا متاخر و اتزنقنا جدا جدا في المراجعات
Hanyاون لاين لو هيراكم ومحدش هيتابعه بلاش منه أحسن…
يفضل مجموعه صغيره مع زمايله ومدرس يجلهم البيت ويببقي فيه متابعه…
الطالب في الاخر ده برضو يعتبر لسه عيل صغير ومش كلهم بياخدوا بالهم من مصلحتهم وبيحسوا السنه طويله وبيزهقوا ف الاونلاين هيساعده ع انه يراكم وكده..
أنا مدرس وعارف بقول لحضرتك إيهMaryamالاونلاين محتاج تنظيم وقت خصوصا لو مواد علمية فـ الافضل حضرتك لو هتفضلي تتابعيه طول ياخدهم أونلاين ويحل عليهم
ممكن المواد زي الانجليزي واللغة التانية ينزلها دروس افضل بيكون وقتها قليل وسهلة وبيخرج يشم هوا عشان نفسيته متتعبش
العربي بردوا يفضل إنه ينزله سنتر عشان متكونش كل المواد عليه اونلاين عشان لو لقدر الله حصلت اي مشكلة ميحصلش عنده أزمة كبيرة في المواد اللي هتكون مضايقاه
وفيه عامة مدرسين بيكونوا شادين ومنضبطين جدا في السناتر إن الطالب يكون ملتزم وعامل واجباته ومركز وهكذاHanaaانا ابنى داخل ٣ وناويين ان شاء الله اونلاين عربى وكيميا الفيزيا برايغت فى البيت لسة الرياضة مقررناش وناويين ان شاء الله اول ما يخلص المنهج ويبدأ مراجعة يبقى كلة برايفت ما ينفعشى تخلية سنتر واونلاين تضييع للوقت غير ان المدرس مش بيمشوا بالترتيب زى بعض
Haidyبلاش اونلاين هيراكم جدا بجد السناتر اه بتضيع وقت بس بتخليه ينتظم ويذاكر اول بأول وبحل الواجب والامتحانات انا ثانوية عامة وندمانة اني جيت اخر شهرين حولت مادة اونلاين لاني راكمتها جدا
Semsemانا كنت ثانوية عامة 2020 وخدت كل دروسي اونلاين عشان جربت في الأول السناتر واليوم كله كان بيضيع وبرجع مرهقة جدا من القعدة الغير مريحة.
وجبت 94.3% لكن كنت عارفة مصلحتي ومش محتاجة حد يقولي ذاكري ولا اعملي ومش معني كده انه يفحت نفسه يعني ويذاكر ليل نهار انا كنت ماشيه لحد شهر 2 ع الهادي وبتابع مسلسلاتي وبخرج لو احتاجت ومش ضاغطة نفسي.
-
الكاتبالمشاركات