- هذا الموضوع فارغ.
-
الكاتبالمشاركات
-
Fawzi
يا جماعة كنت محتار ما بين كذا منطقة في القاهرة للسكن، وعايز أختار مكان يكون هادي وراقي، مش دوشة ومش زحمة أوي. اللي بفكر فيهم هما: حلوان، حدائق حلوان، وادي حوف، والتجمع الأول.
لو حد عنده تجربة أو يعرف تفاصيل عن المناطق دي من ناحية الهدوء، المستوى الاجتماعي، والخدمات.. يا ريت يفيدني.
فاطمةالتجمع الأول فيها ڤيلات و عمارات راقية و فيها إسكان شباب شعبي حدد المربع أو رينچ المبلغ سواء إيجار أو تمليك علشان تفرق كتير
لو بتدور على مكان هادي استبعد حلوان و حدائق حلوان نهائياً
هتبقى المقارنة بين التجمع الأول و وادي حوف و الاتنين هاديين و راقيين و بينهم 28 دقيقة بالأوسطي بس المفروض فيه عوامل تانية تحكمك زي مكان العمل أو مدارس و جامعات و البادچيت
Sadekبتقارن كفر الشيخ بشرم الشيخ
أكيد التجمع الأول بس لو مش قصدك اسكانRaafatوادي خوف جميلة اوي بس مش عارف لسه زي زمان ولا اتغيرت كانت شوارع واسعه اوي عمارات قصيرة شجر وهدوء جدا
Tonyالتجمع يليها وادى حوف ثم حدائق حلوان وحلوان
Nadaالتجمع الأول أفضل بس ابعد عن المجاورات يليه وادى حوف.
الحدائق و حلوان زى بعضSallyهي الناس اللي نازلة تريقة واستخفاف شافت بقية المناطق دي ؟ الراجل بيسال سؤال اللي بيرد فليقل خيرا او ليصمت حضرتك لازم تروح تشوف المناطق بنفسك لان كل واحد على حسب راحته أنا عايشة في كومباوند وابني مضايق منه وعايز مكان هايص فيه ناس وحضرتك كمان اللي تقيم امكانياتك والناس اللي تحب يكونوا حواليك إذا كانوا طبقة بتقول انهم راقيين وكلامهم لا يمت للرقي بصلة او طبقة متوسطة وردودهم محترمة
Ghadaالتجمع فيها اماكن راقية غير كده شعبي .. بالعكس وادي حرف فيها عائلات ولاد ناس .. الشعبي في التجمع لأمم
وعموما عشان عقدة النقص اللي مالية البلد .. شوف في التجمع بس الشعبي مش هاديRawaانا ساكنه في حدائق حلوان كانت جميله وبقت شعبيه …وادي حوف جميله وشوارعها واسعه وهاديه …بعد التجمع لو قصدك مكان راقي هناك
Ayaانا من الحدايق
ووادي حوف احسن واهدي بس مش حواليها خدمات
حلوان دي ألغيها من حساباتك خالص حتي لو فيها مربعات هاديه فالخروج برا المربع دا كارثي ولو ليك مشوار بالمترو بتكره حياتك
ف بالترتيب حوف ثم الحدايق
التجمع معرفشAyaهما الناس اللي عمالين يقولوا طبعًا التجمع الأول ومفيش وجه مقارنة
عارفين التجمع الأول كله يعني؟ شافوا إسكان الشباب والمناطق الشعبية اللي هناك ؟؟
نظرة سطحية اوي يعني
احنا مش عارفين هو بيسأل فين بالظبط في التجمع الأول
وبالنسبة للباقي وادي حوف نضيفة وهادية وشاورع واسعة بس مشكلة الجزء ده انك بعيد عن كل حاجة عن الخروجات والمولات وكل حاجة بعيد
يمكن الأوسطي أكيد بقى مساعد شوية بس بردو
وحسب شغلك والمدارس تقدر تحدد بس انزل المناطق بنفسكDaliaحلوان وحدائق حلوان زحمة جدا وشعبية قوي بعيدة كل البعد عن الهدوء والرقي
وادي حوف هادية وراقية ومنظمة عيبها :
١-الأسمنت الطاير من المصانع اللي في طره بيجي علينا بنسبة.. لازم تنضيف اول باول
٢-الخدمات الضرورية فقط موجودة فيها السوبر ماركت الصيدليات. المكتبات. مغسلات السجاد. خضري وفكهاني.. فرن.. مدارس بعض الكافيهات اللي فتحت مؤخرا في منطقة الكابلات…
مميزاتها:
الشقق واسعة عن مناطق أخرى لو في البيوت القديمة بالذات لان نسب التحميل بسيطة لان مفيهاش مناور العماير من جميع الجوانب الشمس بتدخلها لكن الابراج الجديدة فيها مناور لان تصميم بناها مختلف..
ومن أهم المميزات الناس اغلبها عارفة بعضها لان كلها عائلات ومتجوزين من بعض والجيل التاني سكن ف حوف هو كمان ف لو حد غريب دخل عدى ف شارع من الشوارع بيتعرف انه مش من المنطقة لان الدنيا هادية جدا في معظم شوارعها حتى اغلب كبار السن بيحبوا المكان لانه هادي ومناسب ليهم اللي عايز يشتري طلبات مختلفة بينزل الحدايق لان بينا وبينهم شارع طويل لان الحدايق متوفر فيها خدمات كتير قوي بس زحمة جدا جدا ومن أهم مميزات حوف الكوبري الأوسطي هو اللي على اسعار الشقق لانه بيربط بين أماكن كتير في وقت قليل
التجمع معنديش معلومات عنها غير ان البنية التحتية مش قوي خاصة منطقة الداون تاون شوية مطر الدنيا عندهم بتغرق ومفيش مصارف للمياه وكذا شتاء يجي مع أمطار كتير الدنيا عندهم بتتبهدل حتى الفلل كانت بتغرق من قوة المياه وشدتها ورغم كده الإقبال ع التجمع عامة كبير قوي ف السكن لانه راقي وأعتقد التجمع الأول اغلبه إسكان الشباب -
الكاتبالمشاركات