[Malak]

أنا عايز أجيب هدية لبابا ومش لاقيه فكرة جديدة. كنت جبتله قبل كده برفيوم وكتب وحزام وجزم وساعة، فمش عايزه أكرر نفس الحاجات. لو حد عنده أفكار لهدية تكون مختلفة ومناسبة للأب، يا ريت يقولي. الميزانية متوسطة، يعني مش لازم حاجة غالية أوي، بس تكون لذيذة وتفرّحه.

[Eman]

تابلت، موبايل، ملابس للبيت، لو بيخرج كتير يبقي جاكيت خروج حلو

[Muhammad]

محفظة جلد لون غامق طلبتها من الاولاد ولسه ماجابوهاش

[SaNa]

بجامه او حاجه ممكن هو محتاجها للعربيه

[Mashaer]

ميدالية او ولاعه حلوة

جرب تعمل مكس ما بينهم ويبقي عرض كومبو

[مصطفى]

اكتر حاجة بتبسط والدي مش الهدايا…اني اشوف ايه بايظ عنده واصلحه…حنفية…لمبة…او حتى اغسله العربية…باتكلم بجد

[Noha]

خروجة حلوة ليكوا انتم الاتنين لوحدكم … صدقيني هتفرق كتيررر ف نفسيتك انتي وهو … ربنا يطول ف عمره يا حبيبتي

[Azza]

مجموعة صور قديمة للعيلة وعيدي طباعتها واختاري مجموعة براويز شيك تعمل شكل متكامل مع بعض

[Lobna]

ممكن voucher (قسيمة شراءية) من اي محل من اللي بيتبعوا الطريقة دي بمبلغ معين و هو يشتري بيه علي ذوقه ..

[Mustafa]

شوز سكتشرز وهيدعيلك

[Ahmed]

الهدية مش بقيمتها علي فكرة – ممكن قميص شيك هاينبسط بيه جدا و دائما هايفتكرك لما يلبسه.

[الكاتب]

المشاركات