[Eman]

أنا عاوزة أجيب هدية لبابا ومحتارة أجيبله إيه. الميزانية في حدود 2000 جنيه كده، ممكن أقل شوية أو أكتر بسيط. هو راجل كبير شوية، يعني مش بيحب الحاجات الغالية اللي ملهاش لازمة، ويفضل الحاجات اللي تنفعه أو تبسطه بجد. لو حد عنده أفكار أو جاب قبل كده هدية لوالده وعجبته، ياريت يقولي. شكراً مقدماً!

[راجية]

اجمل حاجة بتسعد الرجالة الاكل.
دكر بط وكام حمامة واعزميه عزومة حلوة ياشيخة وانتوا كمان هتاكلوا معاه وتتبسطوا.
اكيد بباكي زهقان من الساعات والبرفانات والجواكت احنا في زمن غلا الاكل هوا احسن حاجة.

[Rasha]

ربنا يخليكوا لبعض.

ساعة
محفظة
برفيوم
ماكينة حلاقة بالكهرباء
ماكينة شعر بالكهرباء
باور بانك
لو في عربية اي اكسسوار او حاجة العربية محتاجاها
بيجاما وقميص وبنطلون
تريننج رياضي
جلابية صلاة
شنطة لاب توب
بدلة

[Miho]

الهديه هتختلف حسب طبيعة شغله.. يعني مثلا بيقعد علي مكتب فممكن طقم مكتب ويتكتب عليه اسمه… مممن بيرفيوم حلو…ساعه…. لكن لو شخصيه بسيطه هاتيله حاجه للبيت مثلا لبس بيت او خروج و ممكن برضو ساعه

[Aya]

شوفي ليه اكتر حاجه ناقصه عندك او محتاجها و جبيهالو

[Faten]

الساعات الجديدة حلوة بتقيس الاكسجين وتيجى له كومنتات الموبايل عليها.

[Hisham]

هاتى حاجة تعمر معاه .. كل لما يستخدمها هيفرح انها من بنته

[Heba]

الشتا جاي.. ممكن روب صوف ده لوحده لو الصوف حلو يعدي ال٢٠٠٠… ممكن بطانيه دفايه و لكلوك او مانتوفل… كوفيه و آيس كاب صوف هاند مايد…. عبايه صوف…. كل أفكاري شتوي 🤣… و الباقي بقى و ميدليا فضة او سبحه حجر طبيعي… اقولك.. اسألي مامتك حتفيدك عننا

[Na Bil]

عسل جبلى سدر مستورد او غذاء ملكات

[الكاتب]

المشاركات