[أحمد]

شاري ييجي ١١ كاتل على مدار من يوم ما استخدمنا الكاتل وبيبوظ. محتاج نوع كاتل كويس وعن تجربة. وياريت يكون عن تجربة فعلا يا جماعة لأني تعبت، وهو بيوفر عليا وقت كويس بصراحة.

[Mohamed]

أنا جربت كتييير. اللي صمد معايا جدا للاسف ماركة مقاطعة. براون. حاليا بجرب تورنيدو اعلى فئة بقالو عندي كذا شهر. أدائه فوق المتوسط لكن لسا معرفش هيعمر ولا لأ.

براون لسا شغال عندي ما باظش. اربع سنين او خمسة زي الفل. انا بس وقفت استخدامه لان الأرضية بتاعت الغلاية احمرت وزي ما يكون هتصدي فخفت اكمل بيه وغيرت ل تورنيدو.

[Saber]

هات الكاتيل الاستانلس بتاع الصنايعيه والنقاشين.

اخر حل وصلناله هو الكاتيل ده .

[Haleem]

اشتريت واحد من أمارون اسمه بلاك اند ديكر فضي في اسود كده.

معايا من سبع سنين بسلق اي حاجة املاه على اخره واغلي حتى ينقط ميه وكذا مره ورا بعض كل ما اطبخ اي حاجة حتى اندومي استخدمه غير الشاي يوميا وشغال زي الفل.

[MonMon]

أنا عندى أكتر من واحد وبايظ برضه بس بروح أصلحه عند حد وبيتصلح ويقعد ويكمل.

حاول تصلح 11 يمكن العيب فيهم ميكملش 25 جنيه الا لو جاب سخان يعنى سخان اتحرق.

[Nona]

Zahran.

الكاتل بتااعهم تحفه وبيستحمل شغل اللهم بارك.

[Ahmed]

بص، كده انت عندك مشكله في الكهرباء.

الكاتل لو ماركه تعبانه ممكن يقعد معاك سنتين لو ماركه محترمه يقعد معاك ٥ سنين كده جرب شاومي سعره حلو او هات من العربي دا اضمن حاجه بس شوف المشترك لو بتحطه في مشترك وشوف الخط بتاع الكهربا.

[SHymaa]

نصيحة هات براد استانلس من النضيف وجرب الشاي فيه احسن مليون مرة من طعم مياه الكاتل.

[الكاتب]

المشاركات