[ساجدة]

يا جماعة؛ ندور في ابنتي بيتك أكتوبر ولا الأفضل نجيب شقة في احياء أكتوبر نفسها؟ وانهي أفضل حي ندور فيه يكون راقي وحيوي وقريب من المواصلات ولو نزلنا نجيب حاجة او بابا وماما نزلوا أي وقت منقلقش؟

والافضل واحنا بنشتري شقة نبيع الأول الشقة أو البيت اللي قاعدين فيه وبعدين لما ناخد عربون ندور في المكان اللي عايزين نقعد فيه؟ ولا ندور الأول علي الشقة اللي عايزين نقعد فيها وندفع عربون حجز ونتفق انه يسيبنا وقت ع مانبيع ونجيب الباقي؟

[ReDa]

عن تجربه ماتبعش غير لما تكون قررت هتروح فين وتكون لقيت الشقه المناسبة.

تدفع عربون صغير وتقوله اسبوعين ونكمل الباقي تكون انت في نفس الوقت مربط مع زبون يشتري شقتك.

[Mervat]

اكتوبر كبيرة حددى المبلغ إللى معاكى وأتا هعرفك تدورى فين.

ولو عايزة مكان فيه كل الخدمات متوفر طول الوقت يبقى الحى ال11.

[Heba]

بلاش ابني بيتك ده رقم واحد.
البادجت كام عشان الاحياء كتيره وكل حي ليه سعر.

[Mai]

ابعدي عن ابني بيتك.

الاحياء طبعا انضف بمراحل وفي خدمات ومواصلات.

السادس بلاش وال11 وال10 وال12 أماكن شويه هاديه وفي أماكن تحت الإنشاء.

هو من الأول للخامس وطبعا السابع.

بس يارب تلاقي بالرقم اللي معاكم.

[Chrstin]

اوعي تبيعي غير ما تكوني مشتريه ومظبطه المكان اللي هاتنقلي فيه هاتتبهدلي

[الكاتب]

المشاركات