اليوم لدينا باقة منتقاة من عبارات جميلة عن الشرطة؛ من أوبريت «العهد» من احتفال عيد الشرطة 70 لعام 2022 ميلادية.
اليوم يوم الكرامة والإخلاص والفِداء
اليوم يوم البطولة والرجولة والوفاء
اليوم يوم العهد العزيز الذي أقسم به رجال الشرطة منذ سنوات طوال وحافظوا وسيحافظوا عليه حتى يوم الدين؛ اليوم عيد الشرطة.
حكاية العهد «بالعامية المصرية»
كل شعب وله حكاية بتبقى دائما نقطة فاصله
زي ختم النورية يطلع بالنهار
واحنا شعب تملي رافض الانكسار
في الحكاية؛ تفاصيل مهولة
عن الشجاعة والرجولة والبطولة
عايزين تعرفوا الحكاية؟ يبقى نرجع بالزمان ونروح بعيد…
يوم خمسة وعشرين يناير والسنة اثنين وخمسين
ملحمة في الإسماعيلية لسه عايشة من سنين.
لما يبقى الشعب ثار ع الاحتلال
بكل شبر ف ارضنا ف مدن القنال
كانت المقاومة كابوس بييجي في حلمهم
والشرطة ورجالها بيحموا ضهرهم.
بالرغم ان عددنا كان مش قدهم
وسلاحنا كان أقل بكثير منهم
أثبتنا ليهم يعني إيه كلمة رجال.
جالنا بجيوش والخواجه
قالوا امشو سيبوا كل حاجه
استسلموا سيبوا البلد
ومش هاقول كلام زياده.
مسكين ميعرفش أننا
شرطة وشعب كلنا
فيه حلم واحد عندنا
هو الشهادة… هو الشهادة.
كنا على العهد ووقفنا بثبات
علشان بلدنا إحنا نعمل معجزات
بلدنا دي اللي لينا
وأغلى حاجه فينا
في المحنه بتلاقينا.
تعيشي حرة يا بلادي… إيدك في إيدي ع الأعادي… يفديكي روحي ودمي عادي… ع العهد باقي، عشانك يا مصر.
تحيا مصر في كل وقت وكل حين
تحيا مصر عقيدة بيها مؤمنين.
تحيا مصر وواجبي على مصر الزمان
شعبك يعيش كريم، ويحس بأمان
في كل عصر وكل جيل
فيه رجال تتحدى كلمة مستحيل.
شايلين على أكتافهم هموم شعب ووطن
مش فارقة لو كان عمرهم هو التمن.
وعيون بتحرس في الشوارع والبيوت
ما بيخافوش صوت الرصاص.
وهو يعني فيه بطل يخاف يموت؟
الشهادة طموح، وأقصى الأمنيات
وما فيش وطن بيعيش بدون التضحيات.
قوة بلدنا في التراب اللي بيرويه دمنا
والجنة اللي بدون حساب هي مكافأة ربنا.
والسنين بتجيب سنين، وطلع أبوه من وسطنا.
عاش ما بينا لكن ما عمره ما كان يا بلدي مننا.
في يمينه سبحة، في شماله خنجره.
حاول يغير حلمنا ويكسره.
بس ابنك كان هنا.
ابنك يا بلدي على العهد، والوعد القديم.
مشي في طريقه كان وراه الشعب العظيم.
بعد أما عشنا سنين في هدم، ابتدا عهد البنا
يا مصر؛ في كل صعب عدى عليكي وقفت
وهبت عمري ليكي وعمري ما خفت
اسمك ده اللي عالي
ترابك عندي غالي
وهاقول تاني وتاني
تحيا مصر
احنا ليكي دايما مخلصين
خدتي وعدنا والوعد دين
كلنا عشانك إيد فـ إيد
ودا العهد الجديد
وتحيا مصر.
من أجلكم أيضًا
اترك تعليقاً