هل طبيعي البائع يطلب مهلة شهر لإخلاء الشقة بعد البيع؟

فيه معايير نقدر نقول بيها عادي او مش عادي؛
– الشقة دي فين؟ حي سكني مفتوح ولا مُغلق؟ كمباوند له شركة وإدارة؟ عمارة ليها اتحاد شاغلين؟
– حدود معرفتك بالشخص ده ايه؟ من على النت ولا معرفة ولا ترشيح من حد ولا سمسار؟
– وظيفة الشخص ده ايه؟ وظيفة ثابتة؟ طبيب؟ مهندس؟ ظابط؟ محامي؟
– تسلسل ملكية الشقة عبارة عن ايه؟ عقد واحد من المالك الأساسي؟ توكيلات كثير؟ عقد صحة توقيع؟ عقد مُسجل شهر عقاري؟

كل ما سبق وغيره معايير تقول آه عادي او مش لا مش عادي، اللي هينقلك تجربته بيرد على اساس اللي حصل معاه سواءاً جيد او سيء.

لكن لما تحدد الاجابات على الأسئلة تقدر تقول عادي او مش عادي وحقك محفوظ ولا لأ، بعد ما تتأكد ان حقك محفوظ وتسأل عن البائع ده وسمعته، بتخلصوا كل العقود والدفع وبتكتب له عقد ايجار بالمدة اللي عايزها لحد ما يدبر مكان تاني، والعقد تاخد عليه صيغة تنفيذية في الشهر العقاري، وبكده تضمن حق الطرفين، في التسليم والإستلام بدون وجع دماغ او ضياع فرصة كويسة.

متديلوش الفلوس غير عند استلام الشقة.

خد ورق كافي واخر فلوس على التسليم …. او ممكن تدفع الفلوس كلها ويسجل الشقه واعمله عقد ايجار ويكون مأجر من حضرتك… اكيد ليك زميل او قريب محامي يساعد حضرتك

بتبيع عادي جدا وتعمل عقد إيجار لمده شهر وبيديك. إقرار تاريخه بعد شهر انه سلمك الشقه فارغه وان كل المنقولات الموجوده في الشقه بعد تاريخ الإقرار ملك لحضرتك .. أنا عملت كده لما بعت شقتي وعملت الإقرار ده والمشتري اطمن جدا بالإقرار ده.

للاسف معظم الكومنتات تنم عن عدم وجود دراية
عن تجربة اعمل عقد بيع عادي جدا وبعدين اعمله عقد ايجار لمدة شهر (مذيل بالصيغة التنفيذية في الشهر العقاري )
كده عقد الايجار واجب النفاذ ولا يحتاج لحكم قضائي
كده بمجرد ما الشهر يخلص لو مطلعش الشرطة تيجي تطلعه بالقوة

طبيعى بتكتب فى العقد ميعاد تسلمك الشقه والمبلغ المتبقى وقت التسليم
متقلقش ده مش ايجار وعادى هيخرج وعقدك معاك
احنا بعنا شقه واتعمل مهله للتسليم بتتكتب فى العقد واندفع عربون وباقى الفلوس مع التسليم