[Jolly]

مساء الخير.. ممكن فندق في وسط البلد في حدود 2000 جنيه، بس يكون مكان نضيف وأمان ليا أنا وبنتي عشان رحلة العلاج شكلها طويلة -نشكر ربنا علي كل شيء- بس يكون في نطاق وسط البلد وشارع رئيسي.. وشكرا ليكم جدا.

[صفاء]

شوفي مؤسسة مرسال اعتقد عندهم دار ضيافة.

[Manar]

هابيتون أمان ونظافه وقريب من كل المواصلات في شارع علي الكسار متفرع من عماد الدين وسط البلد.

[Reda]

سلامة بنتك ربنا يطمنك عليها.

الأفضل شقة مفروشة قريبة من مكان العلاج.

ولو حضرتك سألتي في المستشفي الممرضات او العمال هناك يمكن يدلوكي او جروبات المنطقة علي الفيسبوك.

[Manar]

فيه جمعيه أبناء الصعيد وفندق مدرسه الدي لاسال في الضاهر قريبه من المستشفي القبطي والف سلامه عليكي

[Rehab]

حضرتك هتدفعي ٢٠٠٠ جنيه في اليوم؟ اجرى شقه مفروشه صغيره احسن.

[Jackleen]

حضرتك لو مسيحية شوفي بيوت الكنائس اعتقد هتكون سعرها مناسب و امان ليكم

[Sameh]

في بيوت كتير تابعة للكنائس ممكن حضرتك تشوفيها

[Shosho]

ربنا يشفيك بنتك و يعافيها يا رب.
زميلتي في الشغل كانت واخده سكن في الكاتدرائية في العباسية شوفي هناك هتكون امان عن الشقق المفروشة.
وقريبه من وسط البلد و قريبه من المترو.

[Reham]

طالما هتقعدي وقت طويل خدى شقه مفروشه او غرفه في سكن مشترك.

[الكاتب]

المشاركات