مستأجر بلطجي رافض يخرج بعد انتهاء عقده بـ6 شهور، إيه الحل القانوني؟

بص حضرتك، بما إن العقد منتهي بقاله 6 شهور وهو رافض يخرج، يبقى ده اسمه غاصب، وده قانونًا سبب قوي لرفع دعوى طرد.
إ
نت عامل محضر إثبات حالة وده هيقوي موقفك، والأفضل دلوقتي تروح لمحامي كويس يرفع لك دعوى طرد للغصب ويطلب فيها شق مستعجل، والمحكمة في الحالات دي بتحكم بسرعة.

بس خلي بالك متقطعش المياه أو الكهرباء عشان ده ممكن يتقلب ضدك. امشي قانوني وهيخرج غصب عنه. ربنا يوفقك

لا يجوز قطع الميه والكهرباء
امشي قانوني وارفع دعوه طرد

عداد الكهرباء قديم ولا بكارت
لو بكارت روح شركة الكهرباء واعمل بدل فاقد
وبكدة مش هيعرف يشحن بالكرت اللى معاه
يكمل فى الضلمة لحد ما تشوف حل قانونى
او بالبلطجة او وسطة من القسم اللى تابع ليه يطلع معاك حد

خليه بره ودخل واحد يقعد فالشقه بعقد جديد على عفشه واعمل محضر اثبات حاله هيبوس ايدك علشان ياخد عفشه ويمشي.

بلاش اى افكار فيها اقتحام للشقة
علشان هيقول كنت شايل فيها خمسة كيلو دهب ودولار
واى كلام كدب لازم تمشى قانونى حتى لو فى بلطجة فتكون خارج السكن . طبعا المستاجر وضعه مش قانونى وعقده منتهى بس للاسف محدش يقدر يحركه الا بحكم محكمة . فاعمل دعوى بمحكمة الأمور المستعجلة
وبعد كده نتعلم نعمل صيغة تنفيذية للطرر الفورى بمعرفة القسم دون اللجوء للقضاء
وإضافة شروط للعقد
مثل كل يوم تأخير بعد انتهاء العقد يقدر بايجار شهر ورفع قيمة التامين والازام المستاجر بتسليم الشقة ودفع تعويض عن كل يوم تأخير واخذ مخالصة و ابراء زمة من المالك ومتنساش الزوجة تكون شاهدة على العقد لعدم عمل تمكين على المسكن .