إيه مميزات وعيوب السكن في حدائق أكتوبر؟

عيبها انك قاعد ف صحرا ومحدش عارف عنك حاجه وكل حاجه بعيده عنك؛ لسه مش منطقه حيويه، كل اللي قولتله يتنسي عادي لو معاك عربيه

مميزاتها اولا انها مدينة جديدة وكل يوم فيها جديد وموقعها ممتاز وفيها تفاوت أسعار يعني هتقدر تسكن على حسب ميزانيتك من أول ٦٠٠ ٧٠٠ ألف مثلا لحد ١٥ مليون لو عايز..
عيوبها لحد دلوقتي انها عشان مدينة جديدة ف هتلاقي كل يوم فيه شغل في الطرق وبالتالي ممكن يبقى فيه تكسير في بعض الطرق وقفل وفتح طرق تانية..احيانا ممكن المياه او الكهرباء مثلا تقطع بس مش كتير والخدمات فيها مش زي اكتوبر مثلا لكن كل يوم محلات وبراندات بتفتح فيها لكن لسه متقدرش تقارنها باكتوبر او زايد مثلا من حيث الخدمات.

تطوير سريع ومحترم جدا.

المدينة مقارنه بزايد اسعارها لسه معقوله وفيها كل المستويات وبقي فيها معظم الخدمات والمولات كتير فيها كل حاجه.

ممكن العيب الوحيد بس كتر الشغل اللي فيها ومرور القطار السريع هتلاقي طريق كتير مش ممهده وفيها تكسير لحد ما يخلص شغل انما في العموم المكان كويس جدا وواعد جدا المهم شوف بتقارنه بايه.

مميزات: سعر لسه هادي، هدوء، احتمال كبير تبقي كويسة جدا بعدين الله اعلم

عيوب: مواصلات مأساة لازم عربية، شوارع مكسرة الله اعلم هتتعدل امتي، المشي العكس مشكلة منتشرة جدا