[Nada]

عايز أشتري شنطة مدرسة لطفلي تكون خامتها كويسة وتستحمل، وسعرها كمان يكون مناسب مش غالي. ياريت لو حد جرب مكان معين أو يعرف أماكن أو محلات بتبيع شنط مدارس أطفال تكون متينة وسعرها حلو، يدلّني عليها. سواء في القاهرة أو لو فيه أماكن أونلاين كمان. شكراً مقدماً.

[ᎷᏋᎷᎧ]

أنا بجيب شنط أولادي من المرشدي، والله العظيم بتقعد معاهم بالسنتين والتلاتة وبنغيرها سليمة للتجديد فقط.

[Yasmine]

ماركة BZ متينة اللهم بارك.

[Re Sayed]

العنوان بالتفصيل: 7 الدرب الجديد بالموسكي خلف فندق فلسطين بجوار صلاح وعبد الفتاح.
ده وكيل BZ
الشنط خاماتها تحفه بجد.

[Ahmed]

BZ قولا واحدا.

من سوق الشنط اللي في الموسكي تسألي على محلهم، شنط ما شاء الله تورث.

[Khalid]

استنى معرض المدارس هتلاقي كل الشنط بأسعار معقولة.

[Amaal]

انزلي ش شبرا Activ ممتاز وتعيش وعامل عرض على شنط حلوه جدا من ١٥٠ إلى ٣٥٠ في العرض. أنا بجيبها بتعيش لحد ما العيال تزهق عمرها ما انقطعت عندي.

[Ayman]

وسط البلد شارع عدلي في محلات شنط وسعرها كويس.

[Dina]

لو عايزة سيت كامل يبقي جلوسي بيرد
لو شنطة بس اكتيف حلوة سعر وموديل
Bz حلوة خامة لكن الموديلات مش عجبتني

[هانى]

لو حضرتك من القاهرة انزلى اول ش الازهر واسالى على سوق الشنط هتلاقى خامات واسعار ممتازة بس فصلى معاهم.

[الكاتب]

المشاركات