[Ahmed]

فيه حاجة حصلت معايا و عايز أعرف لو حصلت مع حد من حضراتكم و أعرف رأيكم… إمبارح الكهرباء فصلت عندي في الشقة ٣ مرات متتالية ما بين كل مرة و التانية حوالي ١٠ دقايق و في أخر مرة طولت فكلمنا شركة الكهرباء و قالوا هيبعتوا حد و بعد المكالمة بشوية لقيتهم بيكلموني يقولولي أصل حضرتك أحنا نزلنا قدرة العداد بتاعك ل ٢٥ أمبير فمش حتعرف تشغل غير جهاز تكييف واحد و لو عايز ترفع قدرة العداد حتروح شركة الكهرباء فرع روكسي تقابل مهندس (هيثم) و هو هيقولك تدفع كام…طبعاً أنا الكلام ده ما دخلش دماغي و قلت لهم ما أنا بقالي سنين بشغل بالتكييفين و التلاتة و ما بيحصلش حاجة. فردوا إن دي كانت غلطة من شركة الكهرباء و إن ده قرار جديد هيتنفذ عالناس كلها و لازم تشحن دلوقتي ب ١٠٠ جنيه عشان نرجعلك الكهرباء و بعدها تروح لمهندس “هيثم” عشان تدفع.

أنا مش مقتنع بالكلام ده نهائياً و شايف إنها نصباية. يا ريت تفيدوني برأيكم أو لو حد مر بنفس التجربة.

شكراً مقدماً.

[Adel]

للاسف هما عملو كده فعلا.

ولو هتعلى القدره ل ٥٠ امبير هتدفع ٨٠٠٠ جنيه

ولو ٧٥ امبير هتدفع ١٦٠٠٠

ولو ١٠٠ امبير زى زمان هتدفع ٢٤٠٠٠ جنيه

[Särah]

ما تروح تسأل! بعدين كل شي وارد بسبب الصغط الي حاصل دلوقتي و الحروب

[Zahran]

ايوه حصلت معايا روحت دفعت ٨٧٠٠ جينه علي ٢٠ امبير زياده

[Bero]

حصل معانا فعلا ونفس الكلام اتقال.

لو شغلت غسالة ومكنسه الكهربا تفصل وبعد تالت مره متجيش.

[Salwa]

لو نصب مكانش طلب منك تروح شركة الكهرباء.

الافضل تروح و تفهم بالظبط منهم موضوع القرار الجديد ده.

[AbdulRahman]

أتعمل كده في العداد الي بتشغل أبراج التقويه لشركات المحمول، بس الحقيقه مكنتش متوقع ان ده يحصل مع العدادات السكنيه فالأفضل حضرتك تروح تفهم تفصيليا الي حصل

[Salah]

للأسف الكلام حقيقي وحصل عندي وجم وزودولي القدرة.

[Islam]

للأسف حصل فعلا.

وانت هتروح هتلاقى ناس كتير هناك نفس الوضع و هيخليك تزود القدرة ل ١٠٠ امبير وهتدفع ٢٥ الف جنيه علشان يفتحلك قدرة العداد للحد الاقصى.

[الكاتب]

المشاركات