[Mostafa]

هل النشاط الرياضي مربح في مصر؟ بفكر انزل من دبي و استقر هنا وأفتح جيم وسبا.

[Baraa]

مُربح عن تجارب ناس مُقربين، لو اتفتح على مستوى عالي وفيه متابعة مستمرة من الإدارة بشكاوى الناس واللي بتتلخص اغلبها في:
– صوت الاغاني العالي اللي بتبقى على ذوق اللي ماسك الجهاز مش على ذوق عالمي او يراعي كل الاذواق او بلاها افضل.
– برودة التكييف، يا الناس حرانة يا بردانة.
– الچاكوزي اللي علطول بايظ وان شاء الله هيتصلح يا فندم.
– الساونا اللي معمولة بأنواع خشب رخيصة علشان بس تقول عندك ساونا.
– نظافة الحمامات المُستمرة.
– السيلز اللي بيقولوا اي كلام علشان بس يخلي الناس تدفع وبعد ما يدفع ميلاقيش مميزات العضوية اللي اشترك فيها.
– المكالمات المُستمرة اللي بتبقى Cold calls والرسائل على الواتساب بدون داعي، واحد اشترك في چيم تاني وقال كده بدل المرة ١٠٠، شيله من على السيستم عندك.
– احتراف المُدربين الموجودين ويبقى مش همهم الشاغل انهم يمرنوا الناس Private واي حد يسأله يقوله روح ٢٠ عده وتعالى، لازم مُدربين يتابعوا الناس بشكل مظبوط.
– مستوى نظافة الصالة وان اللي بينظف ميقعدش يرش معطر فوق العرق معطر فوق العرق، يمسح العرق افضل ويكون عليه مُشرف بيتابع النظافة بشكل دوري.
– جودة الأجهزة وصيانتها بشكل دوري وتوافر كل الاوزان بشكل كويس علشان مفضلش مستني نص ساعة الاقي دامبل ١٠ او ٢٠.
– وطبعاً اخيراً اختيار المكان الجيد اللي فيه احتياج فعلاً لچيم مع مراعاة اسعار المنافسين وفرق الجودة لفرق السعر.

انا اشتركت في اغلب الأسماء الكبيرة والمتوسطة وما سبق بعض الشكاوى اللي بشوفها او بعاني منها او بتخليني اسيب الچيم او بشوف الچيم بيفشل ويقفل قدامي واللي بيراعيها بيفضل شغال وبيتوسع.

[Hanaa]

أنا عندي سبا والسبا اه مربح لو اخترت مكان كويس وجهزته كويس واشتريت ماتريال يد اولي لانها بتكون جودة عالية وسعر اقل لكن الجيم مش عارفة

[نورة]

مربح جدا المهم دراسة الجدوى واختيار مكان مناسب

[Nesma]

مفيش مشروع مش مربح في مصر.
اداره وتسويق ناجح ودراسه جزوي وتوفيق من ربنا هتكسب.

[Allam]

انا مدير جيم كبير وبقولك علي حسب المكان وتجهيزه والفئه اللي هتستهدفها واواي تعرف توفي في تمن الاجهزة وفي نفس الوقت تجيب حاجه محترمه وحديثه

[نور البيان]

مربح جدا، بس الناس المحترمة في مصر بقت قليلة أوووى، فرق التعامل بين الناس عندك ومصر هيتعبك نفسيا

[Nour Elden]

انا ك عميل يهمني جدا نضافة المكان ، يكون واسع كفايه واجهزه متنوعه بحيث نقلل من الزحمه ، قريب من المواصلات ، حد بيفهم موجود في المكان ، يكون 24 ساعه ، وميكونش ميكس اي جيم بالمواصفات دي هو جيم مثالي بالنسبالي

[Roony]

مربح اكيد بس عايز تيم كويس عموما من مدربين وناس فاهمة ومستوى النضافة ويكون متخطط اكتر مش مكان وبس واكيد المكان هيكون ليه سبب فى الربح وأهم حاجة الموظفين ميكونوش تقلديين وحافظين كلمتين والعميل يخبط دماغه

[Mohammed]

لازم حاجة علي مستوي كويس ودي هتكلفك شوية عشان تقدر تحط اشتراكات عالية
انما جيم باشتراك 300 و 400 زي اغلب الجيمات هتبقي بتدور علي العدد
والاجهزة والنظام هيكونو مش احسن حاجة

[الكاتب]

المشاركات