الافضل من وجهة نظرى كارير او شارب او الجي المهم يكون مواسير نحاس.
المهم جدا جدا عند التركيب سواء جهاز عادي او انفرتر ان الفني يعمل فاكيوم للمواسير بماكينة فاكيوم.
دي بقي اللي بتفرق فعلا في البرودة لانة بيسحب الهواء او البخار اللي داخل المواسير وبتالي بيتحول الفريون من المرحلة السائلة الي المرحلة الغازية بشكل صحيح بدون بخار.
وبكدة بتكون استفدت بالقيمة الكاملة للفريون.
موضوع انفرتر من خلافة انا معنديش دراية كاملة هل صيانة وتصليح الكارتة بتاعتة بقي متوفر ولا لاء.
لانة بااختصار شديد.
اية الفرق بين الانفرتر والعادي؟
العادي الجهاز وهوة بيقوم يشتغل بيسحب حوالي ٣ اضعاف من كهرباء التشغيل العادية
وكل شوية طبعا يطفي ويشتغل ( هنا اون اوف فقط).
الانفرتر دا بقي بيوصل الكباس لادني واعلي درجة شغل حسب الاحتياح (زي طريقة مفتاح الصوت تعلي وتوطي براحتك) وبالتالي بيرشد من استهلاك الكهرباء.
ودا كلة نتيجة مقاومات وريلاهات وقطع الكترونية كتير جدا.
الفكرة هل متاح في منطقتك فنين علي درجة كويسة من اصلاح اعطال الانفرتر ( الاغلب اعطال كهربائية).
خلاصة القول:
ركز علي نقطتين:
1. مواسير نحاس وليس الومنيوم
2. فني شاطر يعمل فاكيوم حقيقي وليس فاكيوم بالفهلوة بدون ماكينة
تحياتي
