[Mody]

يا جماعة كنت عايز أسأل عن المصنعية المتوقعة أو السعر العادل لنقل جهاز تكييف من أوضة للتانية (في نفس الشقة)، وكمان تركيب تكييف جديد. يعني كام ياخد الفني تقريبا على الشغل ده كله؟ ياريت لو حد عنده تجربة أو يعرف أسعار تكون “بما يرضي الله” يقولي، علشان ما أتبهدلش في السعر.

[Sara]

نصيحة عن تجرِبة: اتصلي بالخط الساخن الخاص ب التكييف الشركه المصنعه مكتوب علي الضمان هينقلوه مكان ما تحبي و هيشيكو عليه بعد النقل والتركيب مثلا ولو حصل تسريب فريون هيشحنوه وتكاليف بسيطه مقارنه بانك تجيب فني من بره

[تامر]

بتختلف حسب المكان. والفني جايلك منين وصارف قد ايه عشان يجيلك
لكن متوسط فك وتركيب في حدود 800 الي 1000
تركيب جهاز جديد من 600 الي 800

[Amal]

مبدئيا تركيب الجديد بيكون تبع الشركة من غير رسوم
انما نقله معرفش كام بصراحة

[Mariy]

الشركه اللي هتركبلك كدا كدا انتا دافع ثمن التركيب ونقل الجهاز ممكن مياخدوش فيه فلوس لو انتا قولتلهم ووافقوا زي ما حصل معايا يا اما هياخدو 500جنيه دا عن تجربه حصلت معايا بس كنت بلغت الشركه بكدا وقالو لي مفيش مشكله

[Sameh]

لسه ناقل التكيف من اوضه لأوضه ب1000
شركه جاتلي من التجمع للمعادي واثناء النقل عملو صيانه للتكيف لما اتفق
يعني غسل. الكمبروسىور في البانيو وغسلو الوحده الداخلية وكده

[Sameh]

خلي الجديد الشركة تركبه ف الغالب هايبقي مجانا واللي هايركبه اعرضي عليه ينقلك التاني واتفقي معاه مصلحة ليك وليهم

[Sameh]

انا لسه نقله تكيف من غرفة لغرفه أخرى وسألت ٢ فنين مختلفين.
الاتنين قالو التكييف الواحد 1200 وغسل التكيف والكمبرسو وعمل صيانه

[Yasser]

لو مافيش شحن فريون ٨٠٠ جم معقول جدا … أنا عملته الاسبوع الماضي

[الكاتب]

المشاركات