[Ehsan]

السلام عليكم. إيه بديل نزهة حديقة الحيوان للأطفال، نفسي جدا ابني يشوف حيوانات عشان بيحبهم جدا.. بلاش أفريكانو بارك عشان بعيدة ومكلفة، هل فيه مكان يشبه حديقة الحيوان كنزهة للطفل؟

[Mohamed]

أنصحك بـ: فاميلي بارك، في الرحاب. مساحات خضرا واسعه، حديقة حيوان راقيه وكببرة. ألعاب أطفال والعاب كبار، متاحف ومطاعم.
كل اللي تحتاجوه في مكان واحد.

[Shymaa]

الحديقة الدولية فيها حديقة حيوان صغيرة
بس طبعا مش بنفس امكانيات حديقة الحيوان بالجيزة

[Ehab]

حديقة الحيوان في الجيزة هتفتح الشهر الجاي بعد التجديد

[Rania]

طيبة روز / التجمع. فيه حديقة حلوه اوي
الحديقة الدولية
فاميلي بارك

[Zeinab]

حديقة الميريلاند أسعارها مناسبة جدا وفيها حديقة حيوانات وبيت زواحف وطيور وبجع ومتاح التصوير وركوب الحصان جميلة اووي

[Nesma]

فاميلى بارك الرحاب فيها
و حديقة الميريلاند فيها حيوانات
تيباروز التجمع فيه mini zoo
وفى بارك فى المعادى على النيل قدام مستشفى السلام فيها حيوانات كتير

[Cherook]

nile zoo ف المعادي
family park الرحاب
حديقه الميرلاند مصر الجديده
حديقة الدولية مدينه نصر
كل دول فيهم حيوانات جربي كل واحده كل فتره مره روحي واحده لحد م تشوفي هترتاحي ف ايه
بتاعت المعادي مفتوحه والحيوانات اليفه ومناسبه لو طفل يادوب بيمشي عشان صغننه وفيها كام لعبه بسيطه وجوها جميل
الرحاب واسعه جدا وعاوزة اطفال اكبر شوية وفيها حيوانات كتيير وفيها كل الانشطه بس غاليه
الميرلاند فيها كام حيوان بساط عدد قليل خالص بس فيها عجل وعربيات ف الجمعه والخميس وتلوين والعاب مطاطيه ومللهي صغننه ل الصغننين ف السن
الدوليه فيها ملاهي حلوة وكبيره وحديقه حيوانات صغيره وخضرااا كتير وواسعه مناسبه لو اطفالك بيجرو مسافات كبيره وعاوزين لعبو طول النهار ب الكور وكده
وكل دول خدي اكلكم معاكي عشام بجد الاكل بره ردئ وبيعمل نزلات معويه ليهم الله يحميهم يارب

[أبو بكر]

أيوة فيه حديقة جنب النيل اسمها jungle zoo
في القاهرة واسعارها حلوة وكمان يقدر يلعب مع الحيوانات وفيه هناك زواحف …

[الكاتب]

المشاركات