فين بديل قريب ورخيص لحديقة الحيوان للأطفال غير أفريكانو بارك؟

أنصحك بـ: فاميلي بارك، في الرحاب. مساحات خضرا واسعه، حديقة حيوان راقيه وكببرة. ألعاب أطفال والعاب كبار، متاحف ومطاعم.
كل اللي تحتاجوه في مكان واحد.

حديقة الحيوان في الجيزة هتفتح الشهر الجاي بعد التجديد

حديقة الميريلاند أسعارها مناسبة جدا وفيها حديقة حيوانات وبيت زواحف وطيور وبجع ومتاح التصوير وركوب الحصان جميلة اووي

nile zoo ف المعادي
family park الرحاب
حديقه الميرلاند مصر الجديده
حديقة الدولية مدينه نصر
كل دول فيهم حيوانات جربي كل واحده كل فتره مره روحي واحده لحد م تشوفي هترتاحي ف ايه
بتاعت المعادي مفتوحه والحيوانات اليفه ومناسبه لو طفل يادوب بيمشي عشان صغننه وفيها كام لعبه بسيطه وجوها جميل
الرحاب واسعه جدا وعاوزة اطفال اكبر شوية وفيها حيوانات كتيير وفيها كل الانشطه بس غاليه
الميرلاند فيها كام حيوان بساط عدد قليل خالص بس فيها عجل وعربيات ف الجمعه والخميس وتلوين والعاب مطاطيه ومللهي صغننه ل الصغننين ف السن
الدوليه فيها ملاهي حلوة وكبيره وحديقه حيوانات صغيره وخضرااا كتير وواسعه مناسبه لو اطفالك بيجرو مسافات كبيره وعاوزين لعبو طول النهار ب الكور وكده
وكل دول خدي اكلكم معاكي عشام بجد الاكل بره ردئ وبيعمل نزلات معويه ليهم الله يحميهم يارب