- هذا الموضوع فارغ.
-
الكاتبالمشاركات
-
فريد
أنا بفكر أشتري تكييف جديد وسمعت إن فيه نوع اسمه انفرتر بيوفر في الكهرباء. فـ كنت عايز أعرف من الناس اللي جربته، فعلاً بيفرق قد إيه عن التكييف العادي في الفاتورة؟ وهل فرق السعر بينه وبين العادي يستاهل؟ يا ريت اللي عنده تجربة أو معلومة يقوللي.
Sadفرقت كتيير فى الكهرباء …خصوصا ٢،٢٥ كاريير اوبتى ماكس انفرتير …تبريده سريع فعلا لانى جبت القدرة الاكبر من حجم الغرفة بدل ١.٥ ….وكمان بيفصل بسرعة لانى عامل درجة الحرارة على ٢٦ درجة فقط….بالاضافى الى ان صوته هادى ساعة التشغيل…عن تجربة معاى.
Mohamedهوا موفر جدا
بس دايما بيفرق درجتين عن المطلوب
يعني لو انا ظابطه على 20 بيخلي الغرفة 22
انا اللي عندي LGNabilاه عندى ميديا انفرتر مش حاسس خالص باستهلاك كهرباء
Osamaجيبته عندي في المكتب المحاسب من ورايا تابع استهلاكه في العداد بكارت قالي الفرق بين اليوم اللي بيشتغل فيه واللي ما بيشتغلش في الاستهلاك ٥ جنيه فبيفرق طبعا
Ahmedبتفرق طبعا ايوه وخصوصا مع الاحجام الاكبر .. والكومبريسور هادي مبيعملش ازعاج للجيران
انصح بكارير او ميديا او ال جيNadiaاه بيوفر و تبريده هادي مش مزعج و متعب بالنسبالي تبريده هادي و جميل احسن ما الواحد بقوم مصدع و تعبان من التبريد . انصح بيه خصوصا في غرف الاطفال
Mohamedايوا بتفرق وتبريده كويس جدا.
ومتسمعش كلام الجهابذه صنايعيه بلدنا. بيكرهوا الناس فيه عشان مبيعرفوش ياكلوا عيش فيه زى العادى وصيانته صعبه ولازم تطلب التوكيل.
توكل على الله قولا واحدا.
واكيد هما مش هيفهموا اكتر من مهندسين ال جى الكوريه ولا شارب اليابانيه اللى اخترعت تكنولوجيا الأنفرتر
أبونصيربصو ياجماعة من وجهة نظر طبية وبرضو اقتصادية ، انت المفروض مينفعش تخلى درجة حرارة التكييف ٢٠° فى الاوضة وبره الاوضة تبقى ٤٥° ، تخيل فيه فرق ٢٥° درجة جسمك هيتعرضله لما تدخل أو تخرج وخصوصا لو معاك طفل ، بالإضافة إلى أن التكييف هيفضل شغال لحد ما درجة الحرارة توصل ٢٠° ويفصل وبمجرد ما حرارة الاوضة ترفع هترجع الوحدة الخارجية تشتغل تانى وده اللى بيخلى التكييف أيا كان نوعه يسحب كهربا كتير لانه مش هيقدر يحافظ على فرق ال٢٥° درجة لفترة طويلة ، لكن تخيل لو ظبطت التكييف على ٢٧° درجة كده المدة اللى هيستغرقها عشان يبرد من ٤٥° ل ٢٧° اقل وهيحافظ عليها فترة أطول وده هيخلى الوحدة الخارجية تشتغل فترات أقل وجسمك برضه هيستحمل فرق الحرارة بين جوه وبره ولو معاك اطفال مش هيتعبو وهيستهلك كهربا اقل، انت مش عايش فى السويد عشان تظبط الحرارة على ٢٠° وفيه ناس بتظبطها على ١٨ °
Hossamالناس اللي بتقول تبريدها وحش الانفيرتر ملوش اي علاقه بالتبريد.. دا مجرد جهاز بيحول الجهد وبيقلل استخدام التيار الكهربي او بمعني اصح بيحول التيار الكهربائي المستمر لتيار متردد..
Elmakofالناس اللي متعوده عالتكييف العادي متعود انه اول ما يفتح التكييف يحس بقوه دفع الهواء والسقعه من اول لحظه خصوصا فمواجهة الجهاز لاكن الانفيرتر غير بسقع كويس بس عالهادي خالص لاكن موفر جدا في الكهربا ومتسمعلوش صوت تقريبا توفير 50%
Hassanاكتر كائن مستفز ينرفزك فى الرد اللى يقولك لو بتشغل التكييف ساعه ولا ساعتين فى اليوم مش هتفرق….
مفيش حد بيشغل التكييف اقل من ٨ ساعات خصوصا فى الجو ده….
اقسم بالله التكييف بيشتغل عندى مش اقل من ١٢ ساعه ف اليوم لأن اصلا هو مصنوع عشان كدا
Kazanovaاللي يقولك مبيعملش فرق، -بعتذر- بيفتي.
الكباسات التردديه اللي نازله حديثا للانفرتر فعلا بتوفر من قيمه الكهرباء
Omarناس عماله تفتى وتقول مش بيسقع انتم فاهمين يعنى ايه inverter اصلا يعنى بيتحكم فى frequency بالتالى compressor speed علشان كده بيوفر فى كهرباء التكييف العادى بيفضل شغال لحد مايوصل لدرجه الحراره قلى انت محددها ويفصل لحد ماتقل ويرجع يشتغل.
اما inverter بيحسب الفرق بين درجه حراره الغرفه والدرجة قلى انت محددها اما بيوصل لدرجه الحراره المحدده مش بيفصل ولكن بيشتغل على سرعه قليله جدا ومميزاته سرعه اعلى فى التبريد ثبات درجه الحراره وتوفير الكهرباء يعنى لو حتجيب تكييف قدره عاليه وتشغله ساعات كتير فى اليوم يبقى inverter.
ولكن لو تشغيلك قليل يبقى العادى وده فى 1.5 Hp
-
الكاتبالمشاركات