[Moh]

أنا حالياً بفكر أعمل مطبخ أمريكاني مفتوح في شقتي، لكن قبل ما آخد القرار النهائي، حابب أسمع من الناس اللي جربوه فعلاً. إيه كانت تجربتكم معاه؟ هل حسيتوا إن شكله أحسن وبيخلي المكان أوسع فعلاً؟ ولا في مشاكل حصلت مع الوقت، زي الروائح، أو قلة الخصوصية، أو صعوبة التنظيف؟

كمان مهم أعرف هل ندمتوا على اختياره؟ وهل فعلاً مناسب للشقق الصغيرة ولا ممكن يسبب إزعاج في الاستخدام اليومي؟

ياريت اللي جرب يعمل مطبخ أمريكاني يشاركني رأيه بكل صراحة، سواء من حيث الشكل أو العملية أو حتى التكاليف. وجود آراء واقعية هيساعدني جدًا في اتخاذ قرار مناسب يناسب احتياجاتي ومساحة شقتي.

[Haytham]

مش مناسب للأكل المصري
يعمي لومسبك ومحشي وعكاوي
مش مناسب

ده عايز ميكرويف وكاتيل وماكينة سبريسو
مش أكتر من كدة

ده غير إنه يلزمه رسيبشن واسع
ولو حضرتك ست محافظة وحافظة نفسك من الأجانب
فهو غير مناسب بالمرة

[Ali]

من الآخر مطبخ مفتوح
يبقى تعمل شفاط hood+shutter
بمدخنه
وكمان شفاط عادى علشان تحافظ على العفش

[Amal]

وحش
يوم السمك البيت كله ريحته سمك
و
في عيد الاضحي البيت كله ريحته ضاني
حتي الستاير بيلزق فيها الريحة
غير كدة
الضيوف شايفاكي و انتي بتطبخي
شيء سيء
جدا
مش مناسب
لنا و لعاداتنا

[Ahmed]

الكلام ده يتعمل في فيلا دور ارضي بجنينة بتهوية كويسة وشباك بيطل على لاند سكيب مش بيتعمل ف البيوت اللي شباك المنور فيها اصغر من الميكروويف

[Manal]

ريحة الأكل بتملى الشقة والريسيبشن كاشف المطبخ وانتي بتحضرى حاجة الضيوف شايفة بتعملى ايه

[Nada]

باقي عفشك كله هيتبهدل من الزيوت اللي هتبقي خارجه من المطبخ ثانيا الشقه كلها هتبقي ريحتها واحد ثالثا لو في اي وقت مش قادره تنضفي المطبخ مش هتقدري لازم ف وقتها كله يخلص يعني مفيش اوبش تستريحي وتقومي تكملي لأن كل العك اللي بيكون جوا باين للي برا فا لو عندك ضيوف ده هيأزمك

[Mohamed]

لو الشقة صغير بلاش لو كبيرة وعندك مساحات يبقي كويس
وطبعاً لزم تركب شفاط كويس

[Rehab]

لتجنب أي عيوب تمامًا وحاجة عملية ف نفس الوقت تعملي shutter أثناء تنفيذ المطبخ.

هتقلي ومش عايزة تبهدلي الشقة ف هتقفليه عليكي، مش عايزة تكوني مجروحة من ضيوفك بردو بإمكانك تنفصلي عنهم وتقفليه عليكي.

بجد بشوفه وازن الأمور ما بين فخامة الأمريكان كيتشن وخصوصية مطابخنا العادية واستقلالها.

[Anwar]

لو علي ليفينج جميل جدا، ست البيت بيتبقي مع الاسرة مش منفصلة عنهم اثناء الطبخ، حلو جدا اجتماعيًا ، و طبعا أسهل لأفراد الأسرة لو اي حد عايز يعمل اي حاجة في المطبخ. طبعا لازم يكون في شفاط وتهوية كويسة.

[الكاتب]

المشاركات