[Shaymaa]

يا جماعة، أنا محتار بين 3 تطبيقات توصيل: inDrive، أوبر، وDiDi. عايز أعرف أنهى فيهم أرخص وأكتر واحد بيقدم خدمة كويسة؟ يعني من الآخر، أنهى أرخص وفي نفس الوقت سواقينه محترمين والتطبيق سهل ومريح؟ يا ريت اللي جرب يقوللي تجربته. شكراً

[Très]

اندرايفر اول ما ابتدى كان سعره حلو جدا دلوقتي بقى غالي جدا واوبر افضل
فانا بعمل المشوار بيهم والل بيطلع سعره ارخص بختاره
بس ديدي قبل كده قعد يلففني ف شوارع اطول وفجاه لقيت السعر بقى الضعف
فمتعاملتش معاه تاني

[Alaa]

اعتقد ان اوبر هو اكتر واحد فيهم امان، علشان كده مش بطلب غيره

[Samar]

اوبر افضلهم. لسببين:
اولا لو حصل اي حاجه اكتر ابلكشن ممكن حقك يرجعلك منه.
ثانيا الاكتر امان.

ويليه ديدي. ان درايف ممكن يبقي ارخصهم بس نسبه ان يرجعلك حقه في اي حاجه مبتحصلش.

[Magdy]

اوبر مقاطعة يا جماعة امريكاني صريح وداعم
ان درايف روسي وعن تجربة احسن تطبيق من حيث السعر وفكرته رهيبة انك بتعمل زى مزاد على ارخص سعر. مشكلته انه كاش فقط بس طبعا ممكن تتفق مع السواق على تحويل على حسابه..
ديدي صيني مجربتوش
لا تنسى ان المقاطعة والدعاء والتبرع هو اقل القليل اللى متاح لبذله.. وربنا هيحاسبنا عاللى في ايدينا

[Mamdouh]

مفيش شركة ارخص ، كل وقت وليه تسعيره ، حمل البرامج كلها والارخص اطلبه علي طول ، بس مش دايما الارخص افضل بمعنى ممكن يجيلك عربية تعبانه وصغيرة وانتوا عددكم مثلا ٤ او واحد تقييمه وحش فا بيقبل اي رحلة باي سعره ، وبلاش تكونوا مثلا ٣ مع بعض وكل واحد يطلب من موبايله لان ده السيستم بيفهمه ضغط عالمكان وبيعلي التسعيره وكل دقيقة بتعدى السعر بيعلي اكتر

[Ahmed]

إن درايف اسوءهم و ارخصهم

[زينب]

اوبر مع كتر الاستخدام بتعمل خصومات وبتستخدم الذكاء الالكتروني في التعامل بحيث لو فتحت اوبر والسعر مش عاجبك وبعده فتحت ديدي ورجعت فتحت اوبر تتنب الابلكيشن دايركت بينزل السعر عن المرة الي قبلها

[زينب]

Uber اكتر امان
اندريف ده سئ جدا سواء الكابتن او العربيه اللي بتيجي
ممكن اوبر يكون اغلي بس حقيقي امان اكتر وعلي الاقل لو حصل حاجه تقدري تشتكي و بيردوا

[Maher]

الاسوأ اوبر
ممكن السواق يسيبك بالساعة وكمان مايجيش
وبعدين تلاقي عليك انت غرامة
ومفيش امكانية للشكوى.
Indrive معقول
وممتاز في موضوع النقل والشحن
وDidi برضه بقى حلو جدا ويسمحلك تختار التكلفة وتزودها واحدة واحدة

[Rana]

بنفتح التلاته واللي ربنا يكرم بيه. الوقت والمكان واليوم بيفرق في السعر وانك تلاقي عربيه. أوبر ساعات اكتر عربياته بتبقى أحسن بس مش شرط. بنتختار على حسب تقييم السواق في اي تطبيق وبندعي ربنا

[Rana]

أنا آخر مرة جربتهم من فترة
كلهم أرخص من اوبر
وكنت بطلب واستنى وبعدين الاقي الدرايفر كنسل الطلب
بس كخدمة اوبر افضل ومنتشر اكتر يعني ممكن في أي حتة تلاقي اوبر بس الاسعار مرتفعة شوية

[Diana]

ان درايف أفضل حاجة تختاري السواق والسعر واللي فيه محترمين وبحس إنه أأمن حاجة
ديدي زي ما الأستاذ بيقول فعلا مشغل حرامية طلبت ٣ مرات ومسحت الابلكيشن اسوأ تجربة في حياتي سواقين متهورين ومرة منها عمل فينا حادثة كبيرة طلعنا بإصابات تحسي اساسا مفيهوش رقابة
أوبر اسعاره مبالغ فيها وخياراته محدودة
وفي أبلكيشن اسمه bolt بردو كويس بس ده لو ملقيتش اندرايف بطلب منه

[الكاتب]

المشاركات