[Gigi]

بعد اذنكم عندنا في العمارة الكل بيدفع الخدمات ماعدا واحده رافضه الدفع بلطجه مع أنها قادرة على الدفع وتستخدم كافه الخدمات من مياه واسانسير ونظافة سلم.. فهل توجد طريقة لإجبارها على الدفع.

[روفان]

محدش ياخد منها الزباله. الدور بتاعها لايتكنس ولا يتمسح … تغيير شفره الاسنسير وهي طبعا ماتخدش نسخه.

[علي]

الأشكال دي موجوده في كل مكان حسبي الله

[Dode]

اكتبي ورقة كبيرة ف الاسانسير والعمارة إن مطلوب دافع كذا والكل دافع معاد اسمها بخط كبير واكتبي عليها مديونية كذا من شهر كذا مدفعتيش واكسفيها قدم كل ساكن العمارة وهتدفع لم تتحرج

[Noodywaleed]

تتفقوا كلكم عليها تبقي معروفة انها مش بتدفع
تغيروا شفرة الاسانسير تمنعوا ان الاسانسير ينزل ويطلع بالضغط عليه بدون شفرة
تركبوا كاميرات علشان لو قالتلك هطلع علي رجلي كدابة هتقعد تتسول اللي طالع واللي نازل يطلعها وينزلها علشان محدش يعرف
كل واحد يفهم عيله محدش يطلعها وينزلها نهائي هتزهق وتدفع وهتعمل فرح يوم هتدفع وكل واحد تقابله هتقوله اطلعك بالشفرة انزلك بالشفرة

[Noodywaleed]

اعملوا شفره للاسانسير اللي يدفع بش يكون معاه ده اولا
ثانيا المايه اعملوا مفتاح اتوماتيك لكل شقه لما تكون عايز المايه تفتح و يكون ف لمبه تنبيه ف الحاله دي لو هي دور علوي مش هيطلع مايه الا لما يكون حد فاتحها بس
ثالثا. نظافه السلم عادي اللي تيجي تنضف الكل معادا دورها

[Noor]

سهلة هتغير شفرة الاسانسير و هتقطع عن شقتها المية و هتمسح السلم كلة الا عند الدور بتاعها

[AbdEl-Aal]

أولا: المياه
شركه المياه بتبقا اساسا مقسمه المديونيه على عدد الوحدات
حد يروح شركه المياه يعمل شكوى ضدها انها مش بتدفع نصيب شقتها من مديونيه العماره
هتيجي شركه المياه تفصل عنها المياه
ثانيا: الاسانسير بشفره
ثالثا: مسئول النظافه يوقف خدماته عنها

[Hoda]

الناس دى فيه منها نسخة فى كل عمارة موزعين نفسهم يزهقوا الناس وبس وياريت مش قادرين مثلا كنا قولنا ظروف وبتاع شوفت منهم ناس لهم اكتر من شقة فالعمارة وبيأجروا شقق كمان ونفس الوضع .هم لو اتجمعوا وسكنوا مع بعض فعمارة واحدة هيكون شكل العمارة ايه

[Hanan]

افصلي عنها موتور المئة والاسانسير يبقي بمفتاح أو كرت

[Ibrahim]

الاسانسير يبقي باكسيس كنترول وكل واحد ملتزم ياخد شريحة واللي يمتنع تلغيله الشريحة بتاعته

[الكاتب]

المشاركات