[Zahwa]

يا جماعه، انا قولت هعمل وصلة ميه لبيت، على روح والدي الله يرحمه؛ المهم سألت ف كذا جمععيه قالولي التكلفه ٣٠٠٠ وفي مؤسسات قالولي ٦٠٠٠ المهم ماقتنعتش لاني حبيت اشوف المكان بنفسي وقعدت اتحري المكان اللي حواليا لحد ما لقيت بيت مفهوش ميه ومفهوش اي حاجه والناس اللي فيه على ادهم خالص المهم سألت ع الإجراءات لقيت الموضوع هيخش ف ١٤ ألف.

انا قولت معايا لحد ١٠ بس حسيت فرق السعر كبير بينهم وبين الجمعيات بس مش قادره اثق في الجمعيات، فدا حقيقي ولا اي؟

[Fatma]

شوف حد يشترك معاك واعملي اللى قدام عينك.

[Ama]

لو ١٤ عملاها بإيدك احسن من ٦ ف الهوا على الاقل ضامنه ان وصلت لمستحقيها

[عبير]

متثقيش في حد، البيت اللي لقيتيه احسن، شوفي حد قريب منك يشترك معاكي وكملي الاربع تلاف بس تكوني ضمنتي انك عملتي الوصلة. جمعي حتي من اتنين وتلاته معاكي واعمليها انتي.

[Israa]

اطلبي من الجمعيه انهم يوصلو للحاله اللي تبعك
يمكن هما بياخدو خصومات من المحلات و الصنايعيه

[Awad]

ممكن يكون عندهم صنايعية بيتبرعوا بالشغل او تجار بيتبرعوا بالخامات

[نشوا]

الجمعية بتكون عامله بروتكول مع شركة المايه عشان كدة بتاخد تخفيض علي وصلات المياه لو البيت مستحق
البيت ميكنش اكتر من ١٥٠ متر ميكنش مبني مسلح يكون بالطوب الأبيض
والوصلة بتتكلف علي حسب التوريد في شركة المايه كل مكان وله توريد مختلف بتتراوح ما بين ٤٠٠٠ الي ٥٠٠٠ وعلي حسب المواسير المستخدمه في الوصلة علي حسب المساحه ما بين البيت وبين خط المايه .
انا معرفش الجمعية اللي بتقول الوصلة ب ٣٠٠٠ جنيه دي ازاي !!!!

[Hanan]

أنا عملت لولدتي عند ناس احسبهم علي الله ثقه
التكلفه كانت حوالي ٣٠٠٠ج
تبع جمعيات شرعيه وبتشتركي في الوصله
او تكون مشاركه في بئر ماء مع أشخاص اخرين ويكتب اسم الوالده علي الوصله ويبعتوا فيديو للتوثيق بمراحل الحفر

[الكاتب]

المشاركات