[Quranic]

محتاج تجربة حضراتكم مع دور خامس وأخير، ومفيش أسانسير. علما ان معنديش مانع من التكييفات. مع الأخذ في الاعتبار إن مساحة الشقة كويسة وتشطيب سوبر لوكس ومنطقة كويسة. علما ان احنا لسة عروسين وهنشتريها تمليك؟

[Nasser]

أسوء تجربة الدور الأخير في الصيف حار شديد وأستهلك كهرباء عالي جدا وفي الشتاء بارد شديد.

نصيحة: ابعد عن الدور الأخير وانت بتقول من غير أسانسير يعني مفيش اي ميزة.. ابعد عن الدور الأرضي والأخير.

[Angham]

عن تجربة بلاش.
أن شاء الله بكرة في اولاد هتضطري تشيلي.
و رجوع من السوق أو السوبرماركت الشنط هتشيلي.
و مسافرين شنط السفر هتشيلي.
ده غير السلم يوميا.
بلاش بلاش..

[Ahmed]

نصيحة لا طبعا.

لا دور أرضي ولا دور أخير.

دور أرضي يعني كأنك في الشارع وأي مشكله في الصرف او المياه هتبقى عندك غير الرطوبة والازعاج وأبسطها كل اللي داخل وطالع هيعدي على شقتك وطبعا مش أمان من السرقة.

دور اخير يعني جهنم في الصيف وثلج في الشتاء دة غير لو حد ركب دش وخرم في السقف او ان السقف نفسة مش معزول تسريب مياه من الأمطار او الخزانات لو فيها مشكله وطبعا مش أمان من السرقة.

[زينب]

المشكلة لو الكهرباء قطعت مش معقولة ٢٤ ساعة في تكييف ولو مفيش غيرها اتأكدوا أن السطح معمول له طبقة عزل كويسة واسالوا الجيران الي في نفس الدور افضل لأنهم مروا بنفس التجربة عي خبطي عليهم وانت رايحة تتفرجي ع الشقة وادخلي اتعرفي عليهم

[Khalil]

من غير اسانسير منصحكش ابدا .. انت مش ضامن صحتك ممكن في يوم وليله كل حاجه تتغير.
الدور الاخير مش معضله طالما الشقه معزوله مياه وحراره وهتركب تكيفات.
انا كنت بطلع وانزل على السلالم زي الغزال وفجاه فيوم وليله بقيت بطلع وانزل بالعافيه واخري دورين .. اعمل حساب بكره وحساب صحتك وصحة مراتك.
اي اصابه في الركبه او الرجل هتكؤه حياتك بسبب السلم.
دور عالي بدون اسانسير لا.

[مرمر]

لو تقدروا تطلعوا السلالم والشقه اتجاه بحري والمياه بتطلع الشقه من غير ماتور تبقى كويسه اخر دور مريح كفاية ان محدش هيدب عليك ول حد هينشر عليك ول هينقط مياه من سقف حمام او مطبخ لو السباكه باظت توكل على الله واشتريها

[Omnia]

عن تجربه دلوقتي:
بلاش عشان مع الحمل والاطفال مش هتقدر تتطلع وتنزل السلالم كتير انا دي اسوء حاجه بالنسبالي

[Doha]

الادوار العالية جميلة لو المبانى قدامك مش قريبه بتبقى شمس كويسه الصبح وهوا حلو فى الليل
مشكلتها بس لما نشترى حاجات للبيت بيكون الطلوع متعب ممكن تتقسم مشاريات البيت عشان تكون سهلة
ولو حد عنده مشكلة فى ركبه او فى الرجل عموما الموضوع متعب
انا ساكنة دور سادس

[Mohammad]

المشكلة لما ربنا يرزقكم بطفل او اثنين فى الطلوع او لما تجيب مشتروات الاسبوع او تغيير الانبوبة و اخيرا الحر الشديد فى الصيف و حا تحتاج تكيفات الباور اعلى من المفروض . المميزات انها متشطبة سوبر لوكس و يمكن يكون سعرها ارخص شوية و كمان الخصوصية متوفرة . اقرا تجارب الآخرين و خد قرارك و ربنا يوفق

[Doha]

ابعدوا عن الدور الأخير نار جهنم فى الصيف

[Rehab]

طيب انا جيالك من المستقبل وبقولك بلاااااااااش
وبغض النظر عن الصيف والشتاء والجو دا

عروسه اهلا وسهلا ف حمل قريب اطلعي سلم
النونو وصل مرحبا شيلي البيبي وشنطه البيبي واطلعي
النونو دخل الحضانه انزلي ودي الحضانه وارجعي هاتي من الحضانه.. شويه كدا ايه دا ف بيبي تاني اهوه
واحد على ايدك وواحد ف الطريق قادم وصلي البيبي الأول للحضانه وشيلي الصغير وارجعي بيه وارجعي انزلي وهاتي معاكي بالمره مشتريات للبيت واطلعي
ف تدريبات ف النادي.

شيلي يا مدام العيال وعندك مدارس وحضانه ونادي
وعندك دروس

بلاش علشان خشونه الركب وحشه

ولما توصلي لسن ال ٤٠ مش هتقدرى ع الدور الأول حافظي ع صحتك واولادك ف المستقبل

[نور الرحمن]

ابعد عن الدور الاخير صعب صيف شتاء حني لو في تكيفات الواحد بيحب احيانا يشم هواطبيعي مش قاعد كاتم نفسك وشناء مطر وبهدله وصعب تبيع بعد كده وكمان مفيش اسانسير يعني مفيش اي ميزة خسارة فلوس

[الكاتب]

المشاركات