[Sara]

السلام عليكم؛ بنتي كان معاها تليفون وفجأه اختفي تماما من البيت هي مخرجتش بيه وضاع بره احنا متأكدين انه ضاع ف البيت ودورنا ف كل حته ومش لاقيينه التليفون اختفي بقي له حوالي ٤ شهور ومش موجود في اي مكان في الشقه والرقم ده عليه واتس ومن كام يوم لقيته خرج من الجروبات اللي مدخلها فيها هو لسه ضايع طبعا فده معناه ايه؟

[Noha]

بعد مدة 3 شهور أو 4 شهور حسب الإعدادات بيخرجك من أي ابلكيشن زي الواتس آب وتيليجرام وفيسبوك
أكيد ضايع طبعآ وإن شاء الله تلاقيه
ادعي دايما.. يا جامع الناس في يوم لا ريب فيه أجمع بيني وبين ضالتي

[Lamia]

الخط اتوقف واتباع لحد تانى

[Mona]

حصلت معايا واكتشفت أن النجار اللى كان بيفك العفش لانى كنت بنقل سرقه واللى اكتشف السرقه نجار بلدياته وانا اصلا افتكرت أنه تايه في شنط العفش لو حد دخل البيت اكيد هيكون اتاخد

[Sohear]

اتسرق من البيت او حد اشترى الشريحه بعد ٣شهور مغلق التليفون حاولي تتصلي عليه تشوفي هيديكي ايه

[DrSayed]

اولا انا بنتي وهي صغيره ضيعت التليفون جوه الشقه ولقيناه بالصدفه بعدها بسنتين جوه الشقه

ثانيا شركات المحمول دلوقتي هتقفل الخط لو ما تشحنش او تم اتصالات عليه لمده ثلاث شهور

ثالثا حصلت مع صديق ليا كان تليفونه اتسرق وحاطط الشريحه في تليفون عادي ما فيهوش وتس بعد كم شهر الوتساب نفسه عمل اوتوماتيك خروج من كل الجروبات

رابعا المهم انكم تتاكدوا ان ما فيش حد غريب دخل الشقه وسرقه

[Nora]

مفيش حاجة اسمها ضايع في البيت

البيت سهل جدا تقسميه غرفة غرفة و تدوري فيها كويس و هتصدقي عنيكي انه مش موجود

و لما مش هتلاقيه في البيت ده معناه انه يا ضاع بره البيت يا اتسرق بس كده

[Mohamed]

حصل معايا حوار زي ده زمان واكشتفت إن للاسف صاحبي سرقة من بيتي

[Asmaa]

حصل مع بنتي الموضوع ده بس يومين واكتشفنا ان الخادمه هي اللي كانت سرقاه وقفلته عشان اقرب وقت تنزل اجازه تعرف تاخده وهي ماشيه وخبته تحت يد كرسي الليزي بوي كانت ايده بتتخلع من مكانها

[الكاتب]

المشاركات