حبيبتى .شوفى التعليق السابق لى.بتنصحك بإخلاص فعلا..اشربى ميه.واتمنى كل شخص يجيب تلات زجاجات مياه سعه لتر ونص.واكتب اسمك عليها.بحيث انك تبقى عارف استهلاكك اليومى للمياة وكذلك لأولادك..انت بتظن انك شربت كتير لكنه مش كتير.
حاقولك على وصفة جربتها للدكتور عادل عبد العال رحمه الله..لما اتكلم عن الكبد وان لايوجد به اعصاب لذا لابد من الحفاظ عليه .الوصفة هى انك لمده ثلاث ايام لا تأكلى أى شىء متصنع أو تم وضعه على النار .يعنى من الآخر ..تاكلى خضار وفاكهة وجرجير وبقدونس وتمر ومكسرات نيه وعسل نحل .حتى المشروبات لا.الماء فقط وبكثرة .الامر محتاج شخص يكون قاعد فى البيت .او مشغول جدا لدرجه مفيش وقت يفكر..لأن اول يوم حيكون زهقان وقرفان وخصوصا عشان كوباية الشاى اللى بنشرب منها خمسه وسته فى اليوم..تانى يوم حيشعر الشخص بالزهق اقل .تالت يوم حيشعر الشخص انه خفيف جدا.و[ عذرا ] حتى البول والبراز بيختلف جدا ورائحة العرق ..وحتلاقى وشك صاف جدا وحتلاحظى جلاء عينيك والبياض ابيض مش معكر .وياسلام لو كنتى بتضعى كحل بالليل.سواء رجل او انثى .فالكحل الطبيعى ليس حرام للرجال مثله مثل الحناء .والناس اللى بتعانى من غازات او عاوزة ريجيم..حيكون فرصة طيبة للبداية .
اهم شىء تعرفى..ان الشركات دائما تريد عميلا دائمامستمرا..لهذا لن تعطيك الحل النهائى بل هى تضمن فقط استخدامك المستمر لمنتجاتهم .مثل الديلر..لكى يحققوا اعلا نسبة أرباح مستمرة .لهذا لن تجدى شامبو للقشرة يقضى على القشرة نهائيا وابدا..بل فقط يقضى على القشرة [طالما تستخدميه دائما]
مشكلة العودة للطبيعة فى مصر.هى عدم ضمان ان المنتج الذى تستخدميه طبيعى وأصلى فعلا..فتذهب فتاة للعطار وتطلب زيت كبد العصفور فيقول لها عندى .ويعبىء زجاجه بثلاثون جنيها.او زيت لبان دكر فى زجاجه بعشرين جنيه..الا من رحم ربى منهم.يا اخوتى بالعقل..لبان الدكر حصى بحوالى خمسمائة جنيه..عشان استخرج زيت فى زجاجه تلاتين ملل.فأنا احتاج كميه كبيرة جدا .فلاتقنعى انى بالعشرين والتلاتين معى زيت لبان دكر أصلى وحيؤثر.[ الأمر لا يتم تقييمه بالفلوس فقط.].لكن فقط احببت اوضح .لنعرف ونفهم سبب غلاء الزيوت الطبيعية.وتكون النتيجه.البنات تقول.اشتريت من العطار روز مارى وزيت شجرة الشاى ولبان الدكر والسعد.ولم يؤثر..وللعلم هذه منظومه متكاملة.فلابد ان تسأل كل فتاة وسيدة نفسها..هل استخدم المنتجات لتكون مؤقته عند الظهور للناس.ام اننى اريد ان اغسل وجهى بالماء والصابون .فأجد بشرة صحية .وهذا هو المهم وهذا هو الفارق .ابحثى عن بشرة صحية .
حأقولك على وصفات طبيعيه متجربة.واتمنى الناس تقرأ اكتر عن الاعشاب والمنتجات الطبيعية.ولما تسافروا السعودية او تطلبوا هديه.اطلبوا حاجات طبيعيه ياجماعه..ف البداية لازمتتأكدى ان أى اعشاب طبيعيه وأصلية حتى لاتظنى انها ليست ذات فائدة.ابحثى جيدا عن مكان أمين تتوافر فيه ولاتعتمدى فقط على كلام البائع الا من رحم رب.اولا.السدر المطحون..يغنيكى عن اغلا الشامبوهات..حتاخدى معلقه صغيرة او كبيرة من السدر الاصلى المطحون وتضعيها بكوب وضعى قليل من المياه وقلبى..حيعمل رغوه ولزوجه..ضعيه على شعرك المبتل وابدأى افركى كأنك بتستخدى شامبو.لكن هنا بأفرك الفروة كمان لأنه مفيد للفروة عشان كمان ميطلعش حبوب .وبيقوى الشعر .ابحثوا عن فائدة السدر للشعر
نغسل الوجه بالماء والصابون ويادوب [امسح وجهى بيدى .ليس بالفوطة] ثم اضع قطرات بسيطة من زيت شجرة الشاى الأصلى مباشرة وافرده ثم انام واستمر عليه يوميا.بعد عده ايام ان شاء الله ستجدى التصبغات قلت بدرجه ملحوظه
