[Ahmed]

عندي بنات عندهم ١٣ سنة، والإجازة بدأت، بس بجد زهقانين ومش لاقيين حاجة يعملوها. أنا محتاج أفكار لأنشطة مفيدة تملأ وقتهم وتخليهم يغيروا جو، بدل القعدة على الموبايل طول اليوم. يا ريت لو حد عنده اقتراحات لحاجات ممكن يعملوها في البيت أو برا، تكون ممتعة ومفيدة في نفس الوقت.

[Gihan]

– التدريب علي رياضة محببة لهم او التدريب علي الة موسيقية
– كورسات رسم او اشغال فنية يدوية
– التطوع في حضانة
– كورسات طهي
– المشاركة في معسكرات

[Doaa]

في اكادميات بتعمل كامب يوم كامل في اكتر من نشاط ترفيهي و تعليمي و ديني … ممكن تنزل يوم او اتنين في الاسبوع وتتعرف ع ناس جديده
و ممكن تلعب رياضه يومين في الاسبوع
و تحفظ قرآن كل يوم ولو ساعه حضوري أو اونلاين
لاااازم تساعدك في البيت ساعتين يومياً ترويق و غسيل و طبيخ وهكذااا
وبكده مش هتلاقي وقت فراغ

[Sheree]

ممكن تتعلم حاجه هاند ميد، مثلًا تعمل اساور بالخيوط
او تتعلم تعمل سلاسل وخواتم بالخرز
او اشكال بعجينة السيراميك
وكل ده متاحله فيديوهات تعليميه بالفعل
وممكن تتعلم journaling

[Mohamed]

الحِرف اليدوية اكتر حاجه بتخلي البنات مبسوطه وبتخرج طاقة الزهق وبتخلينا نشغل دماغنا وبنتبسط بالنتيجه عشان بتبقى حاجه عملناها من اولها لأخرها

[Marwa]

ممكن لو بيحبوا الرسم والتلوين لو صغيرين
لو كبار ممكن يتعلموا الكروشيه وينزلوا ينقوا الخيوط بنفسهم
اوًالتطريز او التفصيل
ممكن يجيبوا فيديوهات عن الخرز ويتعلموا منها
ممكن بقى تمارين سباحة او كرة طايرة او يد
ممكن كمان يروحوا يوسي ماث المراكز بتاعته منتشرة جدا
الاشتراك في الكشافة ممتاز وبيطلعوا رحلات ببلاش تقريبا
الأعمال التطوعية في اى مؤسسة
علميهم شغل البيت ولو الحاجات البسيطة
رز مكرونه كب كيك باستا فلورا
يغسلوا الأطباق يرتبوا البيت ويحطوا لمساتهم الرقيقة في الغرفة بتاعتهم

[مصطفى]

يحفظوا قرآن كريم لأن الشارع لايربى والنت لا يرحم وشكرا

[Om Mohamed]

يحفظوا قرآن
يتعلموا فقه وحديث
يتعلموا تطريز كروشية أي أشغال يدوية

[FatËn]

حفظ قران كميه مكثفه فتره الصبح لحد الظهر و بعدين رراحه ساعتين و بعدين مشاركة في اعمال المنزل و آخر النهار كورس (أي موهبة عندها) رسم كروشيه خرز و درس خط.

و اي رياضه مناسبة للبنات.

و كورس ممكن برمجه او انجلش او ألماني او درس تاسيس ماث مثلا و نحو.

و بليل لعب بقي و ترفيه مع الاقارب عشان صله الرحم بردو مننسهاش وممكن زيارة الجدة.

[Mohamed]

السن دة صعب ومحتاج قدوة يكون معاهم.
الام تركز معاهم جداا.
والأب يسخر جزء من راحتة علشان يخرجهم ويفسحهم .

[سعاد]

المدارس منزلة أنشطة صيفي وده هيكون أفضل أسأل ف جروب المدرسة

[الكاتب]

المشاركات