[Marwa]

من فترة نزلت برنامج MyNTRA واكتشفت انه فيه رقم متسجل باسم بطاقتي وانا مش معايا الرقم ده اصلا ولا اعرف اتعمل ازاي

المهم رحت الفرع وقدمت طلب اني عايزة الغي الخط ده… دلوقتي اكتشفت انه في رقمين كمان اتعملوا برقم بطاقتي ورقم منهم معمول عليه محفظة الكترونية كمان

دلوقتي ايه التصرف الصح… لان كده واضح ان موظفة الفرع خدت رقم بطاقتي واشترت الخطوط دي بيهم مش عارفه بقى بيزودوا تارجت البيع بتاعهم ولا ايه..

ف اروح الفرع اعمل مشكلة وممكن ماخدش حق ولا باطل منهم ولا اعمل ايه المهم الغي ازاي الخطوط دي ضروري جدا

شكرا لحضراتكم ..

[محمد]

محضر إثبات حالة إن الخطوط مش تبعك.
ومحضر تزوير توقيع ضد الشركة وموظف الفرع.
ووقفي الخطوط مؤقتاً من خدمة العملاء.

اوعي تسحبي الخطوط علشان لو اتعمل بيها حاجات غير قانونية هتتسألي عليها.

الأفضل شوفي محامي وممكن تاخدي تعويض كمان على حسب الضرر الب وقع عليكي.

[Ashraf]

اكيد الخطوط ف اورانج
هما اللى بيعملو كده مع اى بطاقه او صوره بطاقه تقع تحت اديهم

[Dr-Ahmed]

في أقرب وقت سارعى بتحرير محضر إثبات حالة ضد الشركة لحفظ مركزك القانونى إزاء أى جرائم سبق ارتكابها بموجب تلك الشرائح.

وايضا تحرير شكوى فى الجهاز القومى للانصالات.

ويمكنك بعدها الاستفادة من هذا المحضر، ورفع دعوى تعويض ضد الشركة، وسوف تحصلين على حكم بتعويض جيد.

[Mahmoud]

روح اسحب الخطوط واسحب الفلوس اللي على المحفظه — علشان اللي عمل كده يحرم

[يوسف]

1. اسحب الخطوط.
2. اسحب الفلوس اللي في المحفظة.

وأيا كان مين عملهم هو اللي هيجي يعملك كل اللي عاوزه عشان تلغيهم أو تتنازله عنهم وترجعله فلوسه لو المحفظة فيها فلوس.

[يوسف]

أعملى محضر إثبات حاله ووجهى الإتهام للشركه عشان المفروض أى خط بيبقى ليه عقد عليه توقيعك معاهم ومعاكى نسخه منه

[Mostafa]

بص باشا روح فرع تاني حلو واكتبي أرقامك كوالها بورقه حلو وتدخل الفرع قوله لو سمحت عاوز شريحه وادفع ٢٠ جنيه وامضي وخد الخط وروح البيت وارميهم عندك ٣ شهور وهيقفم وخش تاني علي برنامج بعد ٤ شهور مش تلقي الا خطك بس الي بتستخدمه وعن تجربه

[Fayed]

الكارثة أن الخطوط دى بيتعمل عليها محافظ
و بتتباع لتجار العملات الرقمية و المودعين المحلين لمواقع المراهنات و مواقع الاستثمار الى نصبت على الناس
و لما ابليكيشن ينصب زى هاج بول ولا وايت ساند
تيجى النيابة تشوف ازاى الناس حولتلهم المليارات دى كلها
يلاقوا الخطوط بنسبة ٧٠ فى المية بتاعة سيدات و ميعرفوش اى حاجه
او توفاهم الله
و اغلب الخطوط دى بتبقى اورنج بنسبة كبيره جدا
و تأتى بعدها فودافون

[الكاتب]

المشاركات