- هذا الموضوع فارغ.
-
الكاتبالمشاركات
-
Mohammed
يا جماعة، حد جرب التكييف الفريون المتنقل من فريش؟ عايز أعرف رأيكم فيه من ناحية التبريد، استهلاك الكهرباء، وصوته عامل إزاي؟ هل فعلاً بيبرد كويس زي التكييف العادي ولا لأ؟
أنا بفكر أشتريه علشان أستخدمه في أوضة واحدة بس، فعايز آخد رأي الناس اللي جربته قبلي.
شكراً مقدماً
Hayatهو مشكلته الفتحة اللى فى الحيط بتاعه طرد الهوا السخن يعنى لازم تعملها فى كل مكان هتحطه فيه
Ra H Maانا لاقيت تجار بتبيعه ب ١٨ الف “مايو 2025”.. هو ده بجد؟
ده حتي اصلا المنفذ بتاعه اللي بيتركب في الشباك ده مش عملي خالص وهتضطر تفك وتركب كل مره بتحركه فيها كن غرفه لغرفه.
Abdoحرام ياجدعان سعره غالي جدا ببسحب كهرباء جامد وقدرته ضعيفه
المفروض بينزل ب ١١ الف بس التجار مزودين سعره جدا
ادفع في التكيف الحائط افضل بكتيرالعوامالتكييف الفريون المتنقل من فريش يعتبر حل عملي وسهل الاستخدام خاصة لو مش عايز تركّب تكييف ثابت أو بتتنقل بين أماكن كتير. بيشتغل بفريون زيه زي التكييفات العادية، وده بيخليه أكفأ بكتير من التكييفات الصحراوي، وكمان بيوفر تبريد سريع وفعال في غرف مقفولة. حجمه مناسب وممكن تنقله من أوضة للتانية بسهولة، وبيبقى فيه خرطوم لصرف الهواء السخن من الشباك، وده ضروري علشان التبريد يكون فعّال.
لكن من ناحية العيوب، صوته بيكون أعلى شوية من التكييفات المثبتة، وده ممكن يضايق البعض خصوصًا وقت النوم. كمان استهلاك الكهرباء ممكن يكون أعلى نسبيًا، وسعره في السوق المصري يعتبر مش قليل مقارنة بالتكييفات الجداري العادية في بعض الفئات. بس لو بتدور على مرونة وسهولة في الاستخدام من غير تركيب معقد، فهو اختيار مناسب في أغلب الحالات.
Yousefدا سفاح كهربا و فاشل و صوتو عالى، أنا مش بتكلم على فريش بس النوعيه دى من التكييفات المتنقله أنا مجربها برا مصر مش ناجحه تماماً
Azowzلاحظ الكثير من الأشخاص في الفترة الأخيرة اهتمامًا متزايدًا بتكييف الفريون المتنقل، وبدأت الأسئلة تدور حول مدى عمليته وكفاءته، خاصة أن عدد كبير من الناس لا يزالون غير ملمين بتفاصيله. من هنا جاءت الحاجة لتوضيح أهم النقاط المرتبطة بهذا النوع من التكييفات بطريقة مبسطة وعملية.
قدرات التكييف المتنقل في السوق المصري:
معظم أجهزة التكييف المتنقلة المتوفرة في السوق المصري حاليًا تأتي بقدرة لا تتجاوز 1.5 حصان، وبعضها أقل من ذلك وتعمل بقدرة حصان واحد فقط. وهذا يعني أن القدرة التبريدية لهذه الأجهزة محدودة نسبيًا، ولا يمكنها تغطية مساحات واسعة أو تبريد غرف كبيرة بكفاءة عالية.الفرق في الصوت بين التكييف المتنقل والاسبليت:
رغم أن التكييف المتنقل يعمل بالفريون ويقوم بالتبريد بشكل فعلي، إلا أن أحد أبرز عيوبه هو صوت الكباس (الضاغط) المرتفع، بعكس التكييف الاسبليت الذي يكون فيه الكباس خارج الغرفة، مما يقلل من مستوى الضجيج داخلها. في التكييف المتنقل، يكون الكباس داخل الوحدة نفسها، وبالتالي يكون صوته واضحًا ومزعجًا للبعض.آلية عمل التكييف المتنقل ومتطلبات التهوية:
كل تكييف يعمل بالفريون ينتج عنه حرارة ناتجة من عملية التبريد، وهذه الحرارة يجب أن تخرج خارج الغرفة، وإلا فلن يتم تبريد المكان بشكل فعّال. لهذا السبب، تحتوي أجهزة التكييف المتنقلة على مخرج مخصص للهواء الساخن. من الضروري توفير مخرج محكم لهذا الهواء، ويفضَّل أن يكون من خلال شباك ألوميتال، حيث تُركَّب وصلة خاصة – تأتي مع الجهاز – لتصريف الهواء الساخن إلى الخارج.مقارنة سريعة مع التكييف الشباك والتكييف الاسبليت:
يمكن تشبيه التكييف المتنقل بالتكييف الشباك من حيث الفكرة، حيث أن كليهما يحتاج إلى مخرج للهواء الساخن. الفرق هو أن التكييف الشباك يتم تركيبه مباشرة في الجدار، بينما المتنقل يعتمد على وصلة مؤقتة تخرج من الشباك. أما بالمقارنة مع الاسبليت، فإن الاسبليت يتفوق في الأداء، والهدوء، والتغطية الأفضل للغرف.رأي نهائي وتقييم عملي:
برأيي، التكييف المتنقل لا يُعد خيارًا عمليًا في كثير من الحالات. فهو يتطلب وجود مخرج للهواء الساخن، وصوته مرتفع نسبيًا، كما أن قدرته لا تكفي لتبريد غرفة كاملة بكفاءة، خاصة في أيام الصيف الحارة. إذا كان بالإمكان تركيب تكييف اسبليت، فهو الخيار الأفضل من حيث الأداء والراحة.Eslamفنيين كتير بتحذر منة لأن ملوش ضمانات او قطع غيار وفى حتجة مىيبة جدا انة مش موجود على موقع فريش ولا فى اى معرض من بتوعها ولا فى اى معلومة من الشركة عنة وكل اللى بيبيعوه تجار عاديين بعيدا عن الشركة ،هو كا اداء اقل من التكيف العادى اللى بنفس الامكانيات
Abdulrahmanانا جربته بره مصر..عيوبه ان صوته عالي جدا وثاني عيب ان لازم في اي مكان تنقله ليه بالشقة لازم تكون ليه فتحة بالشباك لبره يعني حتحتاج تفتح له فتحه دائرية بس اسال يمكن تلافوا العيب ده وثالث عيب تبريده ضعيف
-
الكاتبالمشاركات