[Krolos]

ما حد يقولنا قهوة عدله “بُن” لسه ما انضربتش لأني من ساعة ما رجعت مصر و أنا مش لاقي قهوة عدله؛ كله بسلة.

[مينا]

ابعد عن قهوة الشركات لانها مضروبة اصلا
خليك في المطاحن وتطحن قدامك

[Moataz]

زهره اليمن / باب اللوق.

كمان حاج عرفة بن محترم وعن تجربة.

[Jasmeen]

Haj Arafa – حاج عرفة روح اي فرع من فروعه هيطحنلك فريش وانت موجود وعنده توليفه تحفه

[Omar]

هات كولومبي من اى مطحنه كويسه
البن المعلب ف المصري احسنهم شاهين ف تجربتي جربت اغلب الأنواع تقريبا
لو هتطلع بالسعر دافيدوڤ بعده العميد

[Ragaa]

بيت البن محمود عمران – جميل جدا و بيطحن البن قدامك و له فروع كتير

[Menna]

لو تركي يبقى حاج عرفه .. جربته مؤخرا ويعتبر احسن من انواع كتير في السوق
لو حد عارف نوع حلو اسبريسو مش مقاطعة يقولي بقا وشكرا مقدما

[Haytham]

من أي مطحن يطحنلك الحبوب قدامك
ولو حضرتك من التجمع على مصنع بليند في الصناعية

[Amr]

معظم البن في مصر بقى شبه بعضه ، وده نتيجة للتكلفة القهوة النظيفة اللي زادت من ناحية ، وندرة المحاصيل المحترمة زي البرازيلي نتيجة مشاكل الزراعة الأخيرة من ناحية تانية ، بقت معظم التجار تتجه لحجات رخيصة وشعبية زي القهوة الهندي والأندونيسي ، بدلاً من اللي البرازيلي والكولمبي النظيف واليمني اللي كنا بنستهلكم في السنوات الماضية.

[الكاتب]

المشاركات