[صابر وراضي]

أنا رايح أجيب مروحة حائط أحطها في الصالة على الحيطة عشان تكون بعيدة عن الأطفال. تنصحوني أجيب نوع إيه يكون هواها قوي وصوتها مش مزعج؟

[عبدالرحمن]

بريفكس و تيفال فوكك من فريش و توشيبا دول مش تخصص مراوح دول قربوا يصنعوا ايفونات بسبب الصيت

[Abeir]

اهم حاجة تفتح المروحة و تجرب الريموت كنترول و تتأكد أن الريموت فيه زرار يخلى المروحة تلف يمين و شمال علشان فى موديلات فى فريش مفيهاش الزرار ده فى الريموت و علشان تخلى المروحة تلف تقوم تقف على كرسي و تشغله من أعلى المروحة نفسها.

كمان فى نوع اسمه ماكسويل ده جميل جدا بس الزرار ده موجود في الريموت و مش موجود على المروحة فلما الريموت يختفى استحالة تعرف تخلى المروحة تلف أو حتى تقف فى اتجاه واحد لووهى كانت بتلف.

طبعا اتأكد أن المروحة لها جهات خدمة ما بعد البيع علشان فيه ماركات ملهاش اصلا.

[سحس]

لو بتدور على مروحة حائط تكون قوية وفي نفس الوقت هادية، يبقى ماركات زي فريش أو تورنيدو من أقوى الاختيارات في السوق المصري. فريش مثلًا عندها موديلات بسرعات متعددة وبتشتغل بكفاءة عالية، والهوا بتاعها قوي جدًا حتى في الأماكن الواسعة. أما تورنيدو فمشهورة إن صوتها هادي حتى على أعلى سرعة، وده مهم جدًا لو بتحطها في الصالة ومش عايز دوشة.

كمان اتأكد إن المروحة فيها ريموت كنترول وتايمر، عشان تقدر تتحكم فيها بسهولة من بعيد، ودي ميزة كويسة لو المروحة متعلقة فوق وعايز تبعد عن متناول الأطفال. وخد بالك من حجم الريشة كمان، الـ16 بوصة مثلًا مناسبة جدًا للصالات.

[Mohamed]

اهم حاجة بلاش تجيب مروحة بريشة رفيعة عشان صوتها بيكون عالى جدا

[Alaa]

توشيبا الحائط بريموت.. جميله

[Zahraa]

ابعدي عن فريش الشبح صوتها مزعج جدا جدا

[سعيد]

تورنادو صوتها مش عالي.
فريش كويسه في المراوح ولكن الصوت عالي شوي

[الكاتب]

المشاركات