[Gogo]

بنتى 17 سنة عاوزة تشغل وقتها فى الاجازة بمهارات تفيدها بعد كده فى المستقبل أو تشتغل شغل بسيط مناسب مع سنها لأنها طول اليوم معاها الموبايل والتليفزيون. هى بتروح جيم، لكن برده زهقانة وعاوزة تشغل وقتها بحاجة مفيدة. ممكن نصايح مفيدة للسن ده؟

[Farah]

هي شايفه نفسها في ايه؟

تشوف مجال لافت انتباهها وتتعمق في دراسته.

مثلا بتحب الفنون فتجرب انواع عاجباها، مهتمه بدولة معينه تجرب تقرا عن ثقافتها وتتعلم لغتها، بتحب الالكترونيات والحساب ف تتعلم عن الكومبيوتر وتحليل البيانات والاكسيل، بتحب الرياضة ف تقرا وتتعلم عن الفيتنيس والانظمة الغذائية، بتحب الطبخ ف تتعمق ف تعلمه وتجرب مطابخ مختلفة،. وهكذا.

[حسناء]

خليها تشترك في ورشات لإعداد الصحفيين مثلاً هتتعلم كتير

[Haytham]

حفظيها القرآن.

[Mabrouk]

حضرتك ممكن كمان تخليها تدخل على موقع اسمه فرصة وتختار قسم التطوع وتدور فيه على أفضل فرص التطوع اللي جنبها وصدقيني بتبني لبكرة وبتتعلم وبتخرج للشارع والناس وتتطور أسرع من كل اللي حوليها.

[Heba]

تتعلم لغة أو برمجة او أشغال يدوية

[Shady]

اللغة زي الصنعة يوم ما هتعطل هتعرف تشتغل طالما معاها لغة و مستواها كويسة

[باسمة]

تعلم القران الكريم، عمرها ما تحس بزهق لو انشغلت بالقران وينفعها دنيا وآخرة
الحديث واسس العقيدة
لغة اجنبية بالاضافة لتقوية اللغة العربية
تسويق وتجارة الكترونية ، المجال بيبني شخصيتها وبيشغلها وبيوسع مداركها
كلها ممكن تتعلمها أون لاين بدورات عالنت ومنها كتير مجاني

[Ahmed]

تعلم لغة ومع اللغة ديه مجال من مجالات المنتشرة زي الجرافيك ديزاين أو المونتاج أو البرمجة أو الأمن السيبراني وكدا ضيعت الوقت في حاجة مفيدة + أمانة مستقبله.

[الكاتب]

المشاركات