[Taha]

ازاي اتأكد ان أدوات دكتور الأسنان معقمة قبل ما يشتغل في أسناني عشان عدوى الأمراض اللي بتتنقل من شخص لشخص عن طريق الأدوات دي؟

[Yasmeen]

بما إني طبيبة أسنان وشوفت كتير ف احب اقولك ببساطة مفيش اي شئ نهائي يخليك تتأكد….كله متعلق بالضمير وفقط

[Essam]

مفيش اي ضمان غير انك تروح لدكتور بيعرف ربنا ويطبق معايير مكافحه العدوي

[Salah]

عمرك ما هتعرف
روح لدكتور بتثق فيه و يكون في ملامح نظافة عامه في المكان

[Dudu]

بيبقي مطلع الادوات في كيسها معقم مقفول الكيس المعقم بيكون عليه /// لو لونها اسود بيتكون دخلت الحهاز لو احمر بتكون لسه ماتعقمتش

[Habiba]

للاسف مش هتعرفي لان دي حاجة ليها علاقه بالضمير والأمانه للتيم اللي شغال مع الدكتور مش الدكتور بس ، بس علشان أقصي حاجة تبقي مرتاحة لو لقيتي بيطلع الادوات من بكيت زي الكيس كدا يبقي تمام انتي الي حد ما ف الامان لو انتي بقا عايزة تطمني اكتر لو انتي مش بتت… عرض المزيد

[Alfarra]

انا مره مريض جالي وسالني ي دكتور ايه يضمني ان حضرتك بتعقم ؟!
ودا حقه مع ان العياده عندي باين النضافه والادوات متغلفه
بكل بساطه اخدته على غرفة التعقيم ووريته جهاز التعقيم ووريته جهاز تعقيم التاني السبير وقلتله الجهاز دا جايبه بالمبلغ الفلاني والسبير بالمبلغ الفلاني .
كان قبلها بيفاصل في الحساب في الاول , لما قلتله كدا, قلتله بعدها اعتقد مينفعش دلوقتي تفاصلني في حساب تاني
ودفع فعلا الي قلتله عليه

[رفاه]

من غلاف التعقيم
كل أدوات طبيب الأسنان بتكون في مغلف أزرق ومن على الجوانب فيه جزء لونة وردي أو بينك في الأصل..
لما يدخل جهاز التعقيم المغلف دا بيخرج منه لونه بني.. فلما تروح لطبيب أسنان لازم كل حاجة تتفتح من تغليفها قدامك
ولازم يكون جوانب المغلف لونه بني
سيت الكشف
الحقنة للبنج
أي ادوات تانية
حتى السرنجة العادية البلاستيك للي ممكن يستعلهما لرش دواء ما أو تنظيف السن من الداخل بيفتحها من كيسها قدامك
وطبعاً الكوباية والجلافز بتجابو جداد من مكانهم قدامك

[Yasser]

مفيش حاجة تعرف منها طبعاً ديه حاجة راجعة للدكتور و ضميره
و مع احترامي للزملاء اللي قالو الكيس و هكذا مش دليل ممكن يفتح و يقفلوا كذا مرة و ممكن ميلونش و حاجات يكون عدي علي تاريخ تعقيمها وقت معين و مغلفة بتبقي لازم تتعقم تاني ممكن دكتور يستخدمها عادي
عمتن دور علي اسم معروف في منطقتك او حد انت بترتاحله و مرتاح للمنطقة و توكل علي الله

[Mohammed]

ازاي حضرتك تتأكد أن المطعم اللي حضرتك طلبت منه اوردر دليڤري إن محدش من المطعم تف في السندوتشات اللي حضرتك طلبها
لو اتأكدت من دي ابقي اتأكد من دكتور الأسنان
احنا بنعتمد علي الثقة اللي عملنها مع المطعم أو مع الدكتور … استنضف المكان وبلغش تسترخص وتروح لدكاترة تحت السلم وتوكل علي الله … للأسف مفيش حاجة هتضمن غير انك تثق فيه

[Lamis]

الادوات بتكون مغلفه ف كيس و هو بيفتحها من الكيس قدامك ده دليل انها لسه طالعه من التعقيم و اتغلفت و اتقفلت كمان من كل النواحى مينفعش تتفتح غير لو فك الكيس قدامك و مينفعس تشوفي حهاز التعقيم قدامك لان في اوضه مخصصه لكده طبعا ف هتلاقي مثلا باب مكتوب عليه للتعقيم او staff only غير كده لازم تلاقي كل الادوات ملفوفه ب استرتش اررق بيما فيهم الكرسي و النور و الكونترا و كل حاجه

[الكاتب]

المشاركات